MÊRDÎN - Hulya Kiliça 22 serrî, Mêrdîn de kafeyêke de rastê heqeretê wayîrê kargerî ke bi nameyê M.A. û xebatkarê kafeyî Ş.A amî, derheqê înan de muracatê sucî kerde.

 

Mêrdîn de rojê vîyarte de Hulya Kiliça 22 serrî şî kafeya bi nameyê O.N.A. Hulya kafe de rastê heqeretê wayîrê kafeyî M.A û xebatkarê kafeyî Ş.A amî. Hulyaye derheqê înan de Serdozgerîya Komare ya Mêrdînî de muracatê sucî kerde. Hulyaye va dimayê hedîse asayîşî seba îfadeyî venda aye û îfadeyê aye girewtê. Hulyaye va aye heta peynî vera nê kesan têkoşînê xo bimeşno.

 

Rastê heqeratî amî 

 

Hulyaye arde ziwan ke 4 aşmî yo nê bajarî de cuyena û verê zî şîya nê kafe û va wayîrê kafeyî M.A dir munaqeşe kerdo. Hulyaye va reya diyîn de xebatkarê uca Ş.A zî vato ‘ti nêeşkena bikewê kafe, talîmatê Murat Begî esto, bicehme tîya ra.'

 

Hulyaye da zanayîş ke dimayê hedîse şîya verê Ş.A û vata ‘ti nêeşkenê nê vatişan vajê' û serê nê de cewabê ‘Zêde derg meke, tîya ra bicehme’ girewta û rastê mudaxaleyê fîzîkî ameya. Hulyaye va rastê vatişê ‘Na cinî tîya ra vejê, reyke bîn Mêrdîn de megîrê cayê wina' û hîrê kesê bîn yê kafeyî zî serê aye de ameyê û dimayê nê kafe ra vejîyeya.

 

'Polîsan hîrê saete ra dima îfadeyê mi girewt'

 

Hulyaye dîyar kerde ke eynî roje de şîya Asayîşê Artukluyî û wina va: "Komîser ame verê mi. Bi hawayêke rehet va 'ti zî meşo uca' mi zî va 'ê kesan heqeret mi rê kerd, înan mi tehdîd kerd.' Mi va vare mi kêna şim ayan zî cinîya şima bibayîne, şima do se bikerdêne. Dima ra polîs ame û va 'Ti cayê ke şaş de ya, gerek ti, Wezaretê turîzmî de bibayne.' Dimayê 3 saetan ra dima îfadeyê mi girewtî. Eynî roje de ma şî kafe. Na hedîse roja şeme ame cuyayîş û ma zî roja yewşem şî dozgerî. Mi muracatê sucî kerd."

 

Hulyaye tewr peyîn qiseykerdişê xo de va do têkoşînê xo yê huqûqî het apeynî bimeşno û va yê ke nê çî aye rê vatê do siba kesê bînan rê bikerê.