MERSÎN - Cinîya bi nameyê Îlkay Metîne ya plajê Susanoglu yê Sîlîfkeyî de bi rotişê xişir debara xo kena, dîyar kerde ke xeylê tezgahê uca cinîyan akerdê û da zanayîş ke cinî wazenê serê linganê xo de vinderê û azad bibê.

 

Cinîya bi nameyê Îlkay Metîna plajê Susanoglu yê Sîlîfkeyê Mersîn de 5 serrî yo xişiran viraznenê, roşena, muhasebetî teqawît bîya, Îlkaye dîyar kerde ke xebate cinîyan xurt kena û wina va: "Ez verê de xişir hes kena. Ez xişirê ke bi destê cinîyan yenê viraştene hes kena."

 

'Hamnan û zimistanî tezgahê xo akena'

 

Îlkaye da zanayîş ke dimayê teqawît bîya dest bi viraştişê xişir kerda û ewnîyayîşê xo arde ziwan: " Ez demêke şîya qursê şaredarî de mi perwerde dî. Ez pratîkê ci musaya û mi dest bi viraştişê kerd û rot. Ez pereyê xo qezenc kena û no zî mi kêfweş keno. Berardiş mi xurt keno. Verê ra ez xebityena û her wext biser kewta. Seba cinî beşdarê berardişê bibo ware bi sînor ê. Ez seba pêro cinîyan pêşnîyar kena ke wa hewceyê kesî nêbê. Wa bi keda xo serê linganê xo de vinderê. Eşkenê domananê xo dir zî biewnê û nê karî bikerê. Roj de saetêke zî bivisnê do serkewte bibê. Ez hamnan û zimistan tezgahê xo akena."