AMED - Cinîyan reaksîyonê xo mudaxaleyê dadgero ke eteke avûkate kerdib ramojnayî û wina vatî: "No zîhnîyet kiştişê cinîyan berpirsîyar o. Welatêke hukm na sewîyeya de yo. Eynî wextî de refleksê komelî qels ê, coka hedîse dewam kenê."

 

Dadger Mehmet Yoylu rojê vîyarte de roniştiş de mudaxaleyê eteke avûkat kerdib û dimayê hedîse seba tedayê komelî meslegê xo ra ame dûrvistiş. Cinîyê Amedî derheqê babete de reaksîyonê xo ardî ziwan û dîyar kerdî ke hukm nêeşkeno beşdarê terzê cuya cinîyan bibo û vatî sebebê kiştişê cinîyan zî eynî zîhnîyet o.

 

'Hukm bi no hewa nêeşkeno bêro qebulkerdene'

 

Remziye Onkole va terza cuya kesan tu kesî eleqeder nêkeno û va rewşa hukmî merdiman şaş verdeno û va: "Hukm bi no hewa nêeşkeno bêro qebulkerdene. Terzê cuya mi kesî eleqeder nêkeno. No welat de sîstemê hukmî çin o. Coka hewce nêkeno merdimî qisey bikero. Pêro çî eşkera meydan de yê."

 

'Bi rewşa baş yena xelatkerdiş'

 

Neval Unale zî va hukm de zîhniyetê camêrd û coka zî şaş nêmanenê û wina va: "Hukm zî cinîyan sey objeyê zayendî vînenê. Prosesêke nê rengî de bêguman pawitişê cewherî yê cinîyan girîng o. Bi tedayê komelî dadger wezîfera ame dûrvistiş la mi gore qîm nêkeno. Seba çîyêke yenê cuyayîş ne yew ne zî di yo. Avûkat her roj rastê tedayan yenê. Tecawizkar rastê vistişê cezayan yenê. Bi rewşa baş yenê xelatkerdene. Na rewşe her çî ramojnena."

 

'Qelsîyê refleksê komelî zêde yê'

 

Cinîya bi nameyê Kîbar Suvarî zî da zanayîş ke nê çîyê ke yenê ciwîyayîş tena cinîyan eleqedar nêkeno, pêro merdiman eleqedar keno û wina va: "Sebebê dewamkerdişê nê hedîseyan, qelsîyê refleksê komelî yê. Rojê vîyarte de xeylê kiştişê cinîyan ameyî cuyayîş. Na rewşe yena manîpulekerdiş û yenê meşrûkerdiş. Yê Tirkîya hetê huqûqî de vera kiştişê cinîyan vindertişêke nêvînenê. Paketê hukmî ê newe zî sewîyeya ke bibo cewabê nê."