MERKEZÊ XEBERAN - Fermandarîya Pawitişê Sivîlî ya Iraqî derheqê şewatanê erazî yê ke 28ê nîsane ra nata qewimîyayî de raporêk weşana. Goreyê raporî 20 hezar û 760 donime erazî vêşaye.

 

Xeylî cayanê Iraqî  û  cayê bipêrodayîş Kerkuk, Xumatu, Dîyala  û Xanegîn û xeylî herêmanê binan de 28ê nîsane ra nata şewatê erazî yenê ciwîyayene û nê şewatê hêgayan bîyî rojdem.

Fermandarîya Pawitişê Sivîlî ya Iraqî da zanayene ke sere de Kerkuk cayê bipêrodayîşî zî tede  hêga û erazîya 12 eyalatan de şewatê cîya-cîyayî ameyî meydan. Fermandarê Pawitişê Sivîlî yê Iraqî Kazim Salmanî derheqê babete de raporêk eşkera kerd. Kazimî da zanayene ke şewatanê 28 rojan ê 12 eyaletanê de 20 hezar û 760 donime erazî û hêgayî vêşaye bîyî wel û 522837 donime erazî û hêgayan zî xesaro gird  dî. 

 

Goreyê raporî eyaletanê ke tewr ziraro zêde dîyo sereyê înan de bi 11183 donime eyaletê Ninova ca gêno. Eyaletê Selahattînî bi 4907 donime rêza diyîne de yo Kerkuk zî bi 3719 donime rêza hîrine de yo.