ÎZMÎR - Welatîyê Kadîfekaleyî ke taxa înan bi rijnayîşê dir rî bi rî ya, dîyar kerdî kesê ke pêwa zanayene tîya wareyê sît o û verdayî ma keye viraznê, ewro wazenê ma vejê û wina va: "Dewlete heta nika ça bî nika vejîyaya meydan û nêverda ma bi rehetî roşan pîroz bikerê."

 

Taxa Kadîfekale yê Îzmîrî pêwa ke wareyê sît bi 50 serrî verê îmar rê ame akerdene. Welatîyê ke seba sebebê cîya mecbur mendî koç bikerê, tîya bi ca bî û cuya xo awan kerdî. Kesê ke Kadîfekaleyî de cuyenê, serrê peyîn de bi rîskê ke keyeyê înan bêrê rijnayîş dir rî bi rî yê. Verê roşanî Şaredarîya Bajarê Gird ya Îzmîrî seba îstîmlakî vendayî keyeyan û keyeyî bi umîd ê. Wazenê keyeyan cayê înan ra bikerê.

 

'Dewlete ça de yê

 

Rahîme Bahura 50 serrî Mêrdîn ra koçê Kadîfekaleyî kerda, da zanayîş ke rijnayîşê keyeyî înan dir 5 keyeyî bê keye bimanê. Rahîmeye da zanayîş ke 50 serrî verê wexto ke ameyê tîya pêwa ke wareyê sît bîyo, destur dayî ke ma tîya keye viraznê û wina va: "Nika wazenê ma keyeyê xo bi pere bidê înan. 8 domanê mi estê. Roşanê ma waş derbaz bîne. Ma bikewê awanîyan do kes nêro verê beranê ma. Xora pereyê ke keyeyê ma heq keno nêdanê. Ma nêwazenê keyeyê ma birijnê. Alsancak de arabî bido mi, ez bi tîya nêvurnena. Belê heqê kolnayîşê dewlete esto la 50 serrî ça de bî? Emrê mi tîya derbaz bi."

 

'Ma roşan pîroz nêkerd'

 

Caziye Hayrî zî da zanayîş ke dewa înan ê Mêrdînî 50 serrî ameyo talankerdiş û mecbur koçê tîya bikerê û wina va: "Ez kîra dana bi zor debara xo kena. Tîya zî bi rijnê do ca nêmano ma şêrê. Bi çend serre pereyê awe, ceyranî ma ra gênê o wext ma estê. Roşan nêame verê ma. Ma dewe de bibayne tena fatureyê ceyranî ma bi. Sebzeyê ma baxçe de bî. Pesê ma bî. La pêro talan kerdî. Ma ameyî tîya. Dewlete tîya zî roşan ma rê nêdana cuyayîş.