Hesna muhemed

 

ŞEHBA - Komîteyê Piştdayîşê Piskolojî seba domananê Şehbayî qezaya Ehdasî de aktîvîteyêke viraşt. Aktîvîte de seba domanan  bernameyê cîya ameyî kerdene.

 

Komîteyê Piştdayîşê Pîskolojî bi hetkarîya Meclîsê Keyeyê Şehîdan aktîvîteyêke domanê şehîdan rê qezaya Ehdasî de viraşt. Bi beşdarbîyayîşê îdareyê Xoserîyê Demokratîk, Keyeyê Domanan û Meclîsê Keyeyê Şehîdan aktîvetîyêke dest pêkerd. Aktîvîte de domanan bi rayîrê deyîran hîsê xo ardî ziwan, tîyatro zî hetê Komîteyê pîskolojî serê wendegehî de pêşkêş kerdene û domanî kay kerdî. Derheqê na babete de cinî û domanî beşdarê şîroveyê xo pare kerd.

 

Mamosteyê ziwanê kurdî û endama Komîteyê Piştdayîşê Pîskolojî Hêvîn Xelîle bale ante ser aktîvîte û wina va: "Ma bi aktîvîteyêke domananê şehîdan dir viraşt, semedê berzkerdişê kêfweşîya domanan, semedo ke domanê şehîdan ê, wezîfeyêke serê milê ma de yo û ma do qetî domananê xo tena nêverdê."

 

'Ma do wayîrê domananê xo vejîyê'

 

Hêvîne da zanayîş ke kêfweşîya domanan girîng a û wina peynî qiseykerdişê xo ard: "Ma do bi tîyatro, deyîran û kayanê xo domanan kêfweş bikerê. Raşt o pîyê domanan resayî sewîyeya şahadetî, la ma pêro keyeyê domanan û ma heta eşkenê ma do wayîrê waştişê xo vejîyê."

 

'Ma bi şahî zaf kêfweş ê'

 

Eynî wextî de kênaya Ebdo, Narîn Ebdo zî hîsê xo arde ziwan û va: "Ma domanê şehîdan aktîvîteyan rê amade yê, ma zaf kêfweş bî."

Domana bi nameyê Semîre Cimo hîsê xo wina va: "Ma spasîyê komîteyê piştdayîşê piskolojî kenê ke aktîvîteyêke ma rê organîze kerdî."