STENBOL - Eşkerayîya ke avûkatanê Rayberê PKKyî Abdullah Ocalanî ra yena pawitene ewro do saet 11. 00 de bêro dayene.

 

Avûkatanê Buroyê Huqûqî yê Asrinî adresa xo ya Twîtterî ra da zanayene ke ê do ewro saet 11.00 de derheqê pêvînayîşê xo yê Ocalanî dir eşkerayîyêk bidê. Eşkerayîye de ca dîya nînan: “Ma muwekîlê xo Birêz Abdullah Ocalano ke Zîndano Qefilnaye yê  Îmralîyî yê Tîpa Fyî de yo dir 22.05.2019 de pêvînayîşêk viraşt. Derheqê nê pêvînayîşî de ma do ewro saet 11.00 de Hotelê Tîtanîc Downtown yê Beyoglû de eşkerayîya çapemenîye virazê. Ma heme kedkaranê çapemenîye dawet kenê. Eşkerayîye de do persî nêrê girewtene.” 

 

Hetêna ra goreyê eşkerayîya ke hetê HDP’yî ra amî dayene do ewro saet 13.00 de Banê HDP’yî yê Bajarê Amedî de peyamê Leyla Guvene zî bêro wendene.