AMED - Hepsîyo bi nameyê Hamza Yilmazo ke 1ê Adare ra grevê vêşanîye de yo mektuba ke eşrawit de win ava: "Beyraqa ke zindanan de yena berzkerdiş, şima zî berz bikerê. Yê ke umîdê xo vindî nêkerê qetî serkewte benê."

 

Çalakîya grevê vêşanîye ya Hemsereka Kongreya Komela Demokratîk (KCD) û parlamentera Partîya Demokratîk ya Şaran (HDP) ya Colemêrgî Leyla Guvene ke bi amancê wedartişê tecrîdî serê Rayberê PKKyî Abdullah Ocalan dayî destpêkerdiş, roja 194an de dewam kena. Bi eynî amancî pêro zindanan de 7 hezarî tewr zêde hepsî çalakîya xo dewam kenê û nika rewşa 300 hepsîyan ameya sewîyeya krîtîk. Hamza Yildizo ke  1999an de Farqîn de ameyo dinya, roja 77in grevê vêşanî de yo û zindanê Tîpê D yê Amedî de dewam keno. Hamza mektube xo de bale ante serê bêvengîya komelî yê vera grevê vêşanîye.

 

Mektube Hamza wina yo:

 

"Ey merdimayî! Ti vînenê gelo, merdim seba azadî, têduştî û edaletî bedenê xo dayê verê mergî. Nê bedenê ciwanî seba merdimayî bedenê xo dayê verê mergî. Şima zî destê xo bidê wijdanê xo, goş bidê. Îmralî de îşkenceyê giran yê bêmerdimayî yenê kerdene. No wehşet o. Şima nika empatî awan bikerê, şima eşkenê wina bicuyê? Waştişê nê merdiman o yo ke şertê înan bi ca bêrê. Waştişê înan heqdar ê.

 

Yewin waştişê m ao yo ke; wa gonî vindarnê, şîdet peynî bibo. Her kes mîyanê hizur de bicuyo. Coka ganî her kes vengbido xoverdayîşê ma. Domanê şima, embaz, wayê û birayê şima bedenê xo dayê ver bi mergî. Bêveng memanê. Na bêvengî şermêke pîl a.

 

'Wayîr ro mayanê xo vejîyê'

 

8 embazê ma şehîd kewtî. Hepsî her ke şinê nêzdîyê mergî benê. Êdî sey verê nêresenê weşîya xo. Beyraqa zindanan yena berzkerdene, şima zî berz bikerê. Mayan rê îşkence kenê, la nêeşkenê îradeyê înan bişiknê. Şima zî wayîr ro dayîkan vejîyê. Embaza ma Leyla Guvene 3 mewsîmî yo xo ver dana. Xo vera wehşetê berpirsîyar vînaya û bîya raybera nê xoverdayîşî. Leyla êdî nameyê xoverdayîşî ya.

 

'Ma bi umîd ê, ma heqdar ê' 

 

Dewleta Tirkan, tu çîyêke nêvînena. Şehadetan normal vînena. Komelê ma no nîyo. Ganî komel bêro serê hemdê xo. Her roje domanê înan mirenê. Vera nê bêveng manenê. Wijdanê xo goşdarî kenê. Kesê bînan goşdarî nêkenê. Embazê ke zindanan de yê têkoşînê xo bi qerarêke pîl meşnenê. Ma bi umîd ê, ma heqdar ê û ma merdim ê. a xwe bi biryarek mezin dimeşînin. Em bi hêvîne, Yê ke umîdê xo vindî nêkerê do serkewte bibê. Silam û rêz."