Hesna Muhemed

 

ŞEHBA - Cinîyê Kantonê Şehbayî, sînorê dewleta Tirk û bêvengîya dewleta Sûrîyeye şermezar kerdî û vatî: "Ma do bi îrade û hêzê şarî sînoran birijnê."

 

Derheqê dêsê ke dewlata tirkan mabêne Şehba û Efrînê de viraznena cinîyanê Şehba vatî: "Nê nêheqî qetî nînê qebulkerdene. Ma do her wext serê lingan de bê ke nê nêheqî peynî bibê."

 

'Efrîn qetî Sûrîye ra nêvisino'

 

Fatimê Muhemede qisey kerde û va: "Ma vera viraştişê dêsan ê mabêne Efrîn û Şehbayî de yê. Ma qetî parçekerdişê herra xo qebul nêkenê. Ma cinî yê û vera îşxalkerdişê dewleta Tirkan ma do vinderê. Heqê dewlete çin o ke herra ma parçe bikera. Efrîn qetî Sûrîye ra nêvisino."

 

'Ma do sînoran, bi keda cinîyanê Efrînî û Şehbayî de birijnê'

 

Heyet Ehmede zî sey cinîyêke ciwan a Kantonê Şehbayî de awankerdene dêsan wina şermezar kerde û va: "Ma sey cinîyê ciwan sînorê dewleta Tirkan ê ke mabêne Efrîn û Şehbayî de yê şermezar kenê, bi waştişê ke şer serrê herra Sûrîye ser xidar bibo nê dêsê ameyî viraştene. Ma Kurd û Ereb pêro yew ê. Sûrîye ya Sûrîye ya, ma do bi îrade û hêzê şarî nê sînoran birijnê."

 

'Êdî bes o bêvengîya dewletan ra'

 

Xedîce Hesene zî wina va: "Ma sînorê dewleta Tirkan qebul nêkenê, êdî bes o kerdişê serê şarê  Sûrîye rê, ma şaş manenê vera bêvengîya kesê ke vanê ma wayîrê heqê şaran vejênê. Erdogan bi amancê açernayîşê dewleta Osmanijan nê kerdişan keno, ma do seba welatê xo şer bikerê, ma do Efrîn bi keda cinîyanê Efrînî û Şehbayî bixelisnê."