Gulîsan Azak

 

AMED - Hemsereka Şubeyê Hûmara 2 ya Sendîkaya Genel Îşî ya Amedî Hanîfe Kardaşe dîyar kerde ke welatêke asayîşê kar çin o, cînayetê kar nînê roşnkerdene, weşîya karker qiseykerdiş û qerargirewtişê  qeraran trajîkomîk o û dîyar kerde ke bi qerarê kerdenê Îçtîhat ê Dadgeriyê rê nêweşkewtene karkeran sûc yeno vînayene.

 

Dadgerîye rojê vîyarte de qerarêke tesîrê cuya mîlyonan karkerî ser o keno da. Goreyê qerarê rojnameya fermî de ameyo weşênayene, pêameyîşê karê ê karkeran seba problemê weşîye eşkeno bêro feskerdene, bê pawitiş û tazmînat eşkenê kar ra bêrê eştene.

 

'Qerar trajîkomîk o’

 

Hemsereka Şubeyê Hûmara 2 yê Sendîkaya Genel Îşî ya Amedî Hanîfe Kardaşe qirkerdişê Somayî arde vîr û wina va: "Welatêke asayîşê karî çin o, cînayetê kar nînê roşnkerdene, weşîya karker qiseykerdiş û qerargirewtişê qeraran trajîkomîk o."

 

Seba karkeran qeydo newe: Ti do nêweş nêkewê!

 

Hanîfeye arde ziwan ke seba şertê Tirkîya de kesêke xebityeno, nêweş nêkewo lazimîyê înan bi mucîzeyan esto û xebatkarî sey hêzê kar ê kapîtalîzmî yenê vînayene û wina va: "Seba hîsgêrî zî ganî ewil hukmat îmkanê kar yê karkeran baş bikerê. Her roj xeylê qezayê kar yenê kerdene û karkerî zî cuya xo vindî kenê. Welat de heqê karkeran hetê hukmatî ra yenê xespkerdiş. Nê welatî de sendîkayîbîyayîş suc o, îzahatê çapemenîye dayîş suc o, pîrozkerdişê 1ê Gulane suc o, merdişê netîceyê asayîşê karî de zî suc o. Bi qerarê dadgerîye dir zî nêweşî zî kerdê suc."

 

'Vernîya eştişê karî akeno'

 

Hanîfeye heto bîn ra da zanayîş ke no qerar keda karkeran çin hesêbneno û temamê îqtîdarê AKPyî de keda karkeran her wext ameya pelçiqnayîş û wina va: "AKP ke bi sîstemê ke awan keno, nêverdeno karker bi rayîrê dadgehe heq xo bigîro. BESî ferz keno, heqê tazmînatî xesp keno û nika zî weşîya karkeran kenê sebeb. Bi nê sîstemî dir hewl danê ke vernîya kar ra eştişan akerê. Ma do vera polîtîkayê pelçiqnayîşan ê ke kerdê dewre, bi embazanê xo yê kedkar û karkeran dir xo ver bidê. Ma do seba heqê xo yê huqûqî têkoşîn bikerê."