ŞIRNEX - Qezaya Silopî ya Şirnexî de yew grûba ciwanan semedê baleantişê serê grevê vêşanîye û rojeyê mergî rayraşîyayîşo meşaleyin viraşt.

 

Qezaya Silopî ya Şirnexî de ciwanan bi çalakîya meşaleyine tecrîd protesto kerd û grevê vêşanîye û rojeyê mergî silam kerd. Xeylî ciwanî mehlaya Nûhî ya Silopî ya Şirnexî de ameyî têhet û bi meşaleyan rayraşîyayîşêk viraşt.

 

Çalakwanan bi sloganan tecrîdê serê Rayberê PKKyî Abdullah Ocalanî şermezar kerd û bale ante grevê vêşanîye û rojeyê mergî ser.