Dîlan Babat

 

ENQERE - Endama Torra Pawitişê Cinîyan Buse Uçere seba diyîn roniştişê Şule Çeta ke 15ê Gulane de bêro vînayene, vengdayîşê beşdarbîyayîşî kerde û dîyar kerde ke ê cinî do 15ê Gulane de dewaya Şuleye de edeleto rast biwazê.

 

Wendekara unîversîte Şule Çete 20ê Gulana 2018an de hetê Berk Akand û Çagatay Aksu ra rastê îstîsmarê zayendî amî û 20in katê plazayî ra amî eştene û qetilkerdene. Gumanbar Berk Akand û Çagatay Aksu dimayê hedîse serbest ame veradeyene û bi reaksîyonan ser o reyna ameyî tepiştiş. Îdianameyo ke gumanbarî ra ame amadekerdene hetê 31in Dadgeha Cezaya Giran ê Enqereyî ra ame qebulkerdene û nê prosesî de raporê tipê edlî de xeylê delîl ameyî çinkerdene.

 

Endama Torra Piştdayîşê Cinîyan Buse Uçere, seba diyîn roniştişê Şuleye ya 15ê Gulane de do bêro kerdene veng da.wê

 

Buseye va Şûleye seba heqê xo bigîro şîya la hetê  patronî ra rastê tecawizî ameya û katê 20in ra ameya eştene û va:

 

"Roniştişê 6ê Sibate de ma hetê serdest yê camêrdan ê hukmî dî. Bi serran o cinîyan sînorê ‘cinîya makul' de gênê. Wexto ke ma kewenê teberê sînor zî ma hedef gênê."

 

'Edalet hetê cinîyan de nîyo' 

 

Buseye da znaayîş ke cinî her wareyî de rastê şîdetî yenê û wina va: "Ma xeylê kiştox, tecawizkarê ke vatî 'ma tahrîk’ bîyê dî. Nê tacîzkar û tecawizkarê ceza kêm girewtî. Nevîn Yildirime yena vîrê mi. Nevîne vera tecawizkarê xo pawitişê cewherî kerde, cezaya muebetî girewte. Ma vînenê ke edalet hetê cinîyan de nîyo. Ma cinî 15ê Gulane de seba Şuleye do edalet biwazê. Ma pêro cinîyan 15ê Gulane de dawetê Edlîyeya Eneqereyî kenê."