Hîkmet Tunç

 

WAN - Qayûmo tayînê şaredarîya Bêgiriyî ya Wanî bi, bi mîlyonan lîra binê nameyê restorasyon û peyzajî de Sûlavê Bêgirî pêşkêşê şîrketan kerdib. Şîrketê ke Çirtanê Bêgirî de rijnayîş kerdî, verê ke proje temam bikerê meydan ra vindî bî. Şaredarîya HDPyî ke xebatê çirtanî yenê kerdene kerd rapor û seba muxatab nêvînayê, mecbur mendî projeyê yew het ra fes bikerê.

 

Qayûmê şaredarîya Bêgirîyê Wanî, Çirtanê Bêgirîyî binê nameyê rekreasyon û peyzajî de bi 5 mîlyon û 500 hezar TL yî pêşkêşê şîrketan kerd. La çirtan nika terkê qedere xo ame kerdene. HDPyî ke weçînayîş de şaredarî grewt, raporo amade kerd de skandal vejîya meydan. La dekewtişê çirtanî de hacetê restorasyonî ameyê ronayene, la ame zanayene ke şîrket verê ke proje temam bikerê orte ra vindî bîyê.

 

Goreyê zanayîşê raporî de ca girewtê, îhaleyê karî viraştişê wareyê peyzaj û rekreasyonê 1ê Tebaxa 2018an de bi usulê bazarî ameyo kerdene. 17ê Tebaxa 2018an de serê 4 mîlyon û 500 hezar TL de pêkerdiş kerdî û pêameyîş ame îmzakerdene. Prosesê kar de bi Şîrketê Lîmîted ê Bazirganî û Sanayî yê Nak Tur Înşatê Mîyabayê Muhendisî û  Mîmarî dir xebat ame destpêkerdene. Roja ke kar ame teslîmkerdene problem mabêne fîrma û sazgehî de virazya. Sebebê ci zî o bi ke fîrma vera kar bikero de, rayîrê ke pere qezenc bikero geyrayo.

 

Fîrma ke xebata peyzaj û rekreasyon nêmeşnayo, verê wareyê kesk zî bi beton pirr kerdo.

 

'Ma do bi şarê xo dir wayîrê xozaya xo vejîyê'

 

Hemşaredara Bêgirî Leyla Balkane derheqê babete de qisey kerde û da zanayîş ke înan şaredarî bi deynêke pîl girewtê, eynî wextî de çîyê ke qayûm kerdo zî pêro deyn o û wina va: "Çirtanê Bêgiriyî bi xozaya xo dîmenêke bi heybet vet meydan zî dîmenê xo vindî kerdo. Ma roja ameyî serê wezîfe ma bi texrîbatan dir eleqedar bî. Ma do bi şarî dir xozaya xo wayîr vejîyê."