MERKEZÊ XEBERAN - Pawitoxa heqê cinîyan û rojnamegere Mîna Mangale paytextê Kabîlî yê Afganistanî de netîceyê hêrişêko çekdarî de ameye kiştene.

 

Afganistanî de cinîyêka bînî ya pawitoxa heqê cinîyan û rojnamegera raşteyan Mîna Mangale ameye kiştene. Herêma Mûhamme Şah Meyna ya Seyyîd Noorî ke sey Karte Naw zî yena zanayene ya paytextê Kabîlî ya Afganistanî de rojnameger, pawitoxa heqê cinîyan û temsîlkara kulturî ya Parlamentoya Afganistanî Mîna Mangale goreyê saetê herêmî saet 07.20î de netîceyê hêrişêko çekdarî de ameye kiştene. Wezîrîya Karê Zerre ya Afganistanî derheqê hedîseyî de eşkerayî daye û daye zanayene ke Mîna Mangale sîneyê xo ra gule werda û cuya xo vindî kerda.

 

 

Goreyê çimeyê xeberan yê Afganistanî hêrişkarî bi motorsîk ameyî û pêser 2 reyan gule reşênayî Mîna Mangale ser û dima ra zî remayî. Merdimê Mîna Mangala ke cayê hedîse de cuya xo vindî kerde, dîyar kerd ke Mîna Mangale seba ke şêra ofîsê xo yê cayê kar paweyê wesayîtî bî û gama ke ewja de vindetêne kesêk şenik gule reşênayo Mîna Mangale ser.