AMED - Aysel Ataş, Behiye Sevîm, Xezal Yildirim û Behriye Tekîna ke domanê înan zindanan de kewtî grevê vêşanîye bêdem û bêagerayîş, her roje Parka Koşuyoluyê Amedî de kom benê û seba domananê xo vera hêrişê polîsan xo ver danê.

 

Vera tecrîdê hemverê Rayberê PKKyî Abdullah Ocalanî Hemsereka Kongreya Komeleyê Demokratîke (KCD) û Parlamentera Partîya Demokratîke ya Şaran (HDP) ya Colemêrgî Leyla Guvene grevê vêşanîye de ya û nika bi hezaran tepişnayeyê siyasî bi eynî amancî çalakî de yê.  Heto bîn ra rojeyê mergî zî dewam keno. Dayîkê hepsîyan seba bale bi ancê serê grevê vêşanîye bi leçegê sipî her roj wareyan de xo ver danê. Aysel Ataş, Behiye Sevîm, Xezal Yildirim û Behriye Tekîn domanê înan zindanan de kewtî grevê vêşanîye û her roje nê dayîkî Parkê Koşuyoluyê Amedî de kom benê û vengdayîşê hîsgêrî kenê, vanê ke ganî tecrîd bêro wedartene.

 

'Ma do her wext kuçeyan de xo ver bidê'

 

Mehmet Veysel Ateş 2yê hezîrana 2015an de Amed de ame tepiştiş. Mehmet Veysel Zindanê Tîpê T yê Amedî de 1ê Adare de dest bi grevê vêşanîya ya bêdem û bêagerayîş kerd. Dayîka ey Aysel Ateşe bale ante serê grevê vêşanîye û va ke domanê ma heta vêşan bê ma do wareyan, çalakîyan de bê. Aysele arde ziwan ke rewşa domananê înan xetere de ya û seba domananê xo wareyan de kom benê û wina va: "Wexto ke ma çalakîye de bî, polîsêke mi ra va 'şima nêverdenê ma bi domananê xo dir wext derbaz bikerê, înan dir kay bikerê'. La ê qet nêfikrîyenê ke çi vanê yan zî nêzanê ma seba çi tîya yê. Werrekna weşîye domananê ma başbibayne û ma înan dir kay nêkerdêne. Ma seba domananê xo kuçeyan de xo ver danê. Ganî polîsê cinî waştişê ma fam bikerê, la ê bi şîdet hêrişê ma kenê û ma derp kenê. Ma qasê dayîkê înan pîl ê, lê nê ra şerm nêkenê. Çiqas zulm bi ma bêro kerdene, ma do xo ver bidê."

 

'Ma do Kurd bicuyê û Kurd bimrê'

 

Behiye Sevime zî sey dayîkê bînan Koşuyoluyî de beşdarê çalakiyan bena û wazena ke waştişê hepsîyan bêrê qebûlkerdiş. Di domanê aye tepişnayeyê. Ehmet Sevîm zindanê Tîpê T yê Trabzonî de 20ê sibate ra grev de yo. Behîye wina va: "Tecrît sucê merdimayî yo. Domanê ma seba nê waştişê heqdar grevê vêşanîye de yê. Ma zî seba ê bicuyê kuçeyan de xo ver danê. Heta ê grev de bê ma do çalakî de bê. Çiqas astengî bêbê zî  heta ke yew ma ra bimano ma do xo ver bidê. Domanê ma hêzê ma yê û ma do sey înan bi îrade çalakiyê xo dewam bikerê. Ganê ma domananê ma ra tewr şîrîn nîyo. n xwe bidomînin. Canê me ji yê zarokên me şîrîntir nîne. Bidê ma ro û ma erd ra kaş zî bikerî ma do vera tecrîdî bêveng nêmanê. Ziwan, dîn, nîjad ferq nêkeno wa her dayîk wirzê serê lingan, ma dest bidê yewbînan û gonî vindarnê. be ser piyan, ma tena aştîye wazenê. Seba ke ma kurd ê, zulm bi ma kenê. Verê ma de domanî mirenê, la ê wazenê ma bêveng bikerê."

 

'Ma do her wext xo ver bidê'

 

Mehmet Yildirim serra 2009an de 17e serrî ya xo de ame tepiştiş16 serre xo de ceza ey rê ame birnayîş. Dima ra ey surgunê zindanê Samsunî kerdî. Mehmet Yildirim 4 rey kewt çalakîya grevê vêşanîye û tewr peyîn 20ê sibate de dest bi grev kerd. Dayika Mehmet Xezal Yildirima ke beşdarê çalakîya dayikan bena, dîyar kerde ke do her wext xo ver bidê. Xezale wina va: "Ma dayikê şêran ê, ma do bi nê hêzî wareyan de bê. Ma derp û şîdet ra nêtersenê. Ma do seba aştî û hizur hîna xo ver bidê. Rewşa domananê ma xetere de ya."

 

'Înan dir wijdan çin o'

 

Egît Tekîn 19 serre yê xo de ame tepiştiş, 12 serrî ceza ey rê ame birnayene û ey sirgunê Zindanê Tarsusî kerdî. Egît 1ê Adare ra yo grevê vêşanîye de yo. Dayika ey Behriye Tekîne, dîyar kerde ke rewşa domananê înan xeter de yo û seba bicuyê do xo ver bidê. Behriye, da zanayîş ke tecrîdî serê her kesî de yeno kerdene û wina va: "Wexto ke ma Koşuyoluyî de roniştibî polîsê cinî dayî ma ro, milê ma pêro mor kerdî. Înan dir wijdan çin o. Dayîkêke emr pîl e verê mi de amî derbkerdene. Ma rastê şîdetêke xidar yenê. Ganî şar vera nê bêveng nêmano. Yê ke çalakîya grevê vêşanîye de yê. Seba pêro şarê xo xo ver danê. Ganî ma wayîrê înan vejîyê."