WAN - Çalakîya ke awanîya HDPyî ya bajarê Wanî de seba bale antişê grevanê vêşanîye dîyabî destpêkerdene hetê grûba 10. ra ameye dewrgirewtene

 

Çalakîya grevê vêşanîye ke bi serkêşîya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke 182 rojî yo grevê vêşanîye de ya dîyabî dest pêkerdene, teber û zîndanan dewam kena. Bi hezaran hepsîyê ke grevê vêşanîye yê bêdem û anêgêrayîşî de yî. 15 hepsîyê ke seba wedarnayîşê tecrîdê serê Rayberê PKKyî Abdullah Ocalanî grevê vêşanîye de bî, çalakîya xo 30ê Nîsane de derbazê merheleyêka newe kerdbî û rojeyê mergî dayî dest pêkerdene. Zîndananê Amed, Wan, Bakirkoy û Gebzeyê 5ê ci cinî pêro-pîya 15 hepsîyî kewtî rojeyê mergî û çalakîya înan kewte roja 9.

 

'Heta ke domanê ma biresê waştişê xo ma do her ca têkoşîn bikerê'

 

Fazîle Polata ke çalakî dewr girewte qiseykerdişê xo de wina va: “Ma xoverdayîşo ke bi serkêşîya Leyla Guvene dîya destpêkerdene û ewro hetê bi hezara hepsîyan ra yeno domnayeye silam kenî. Talebê hepsîyan lazimîya şarê Tirkîye yî. Lazima ke hukmat vengê xo bivejno û seba şikitişê tecrîdî gamêk bierzo. Heta ke domanê ma biresî hedefê xo do çalakîya ma zî dewam bikera. Ma veng danê her kesî ke piştî bidî xoverdayîşo onurin. Ez grûba 10. rê serkewtiş wazena.”