STENBOL - Polîsan roja verêne ya Aşma Remezanî de hêrişê Sifreyê Rîerdî kerd û nûştoxo Îlahîyatnas Îhsan Elîaçikî û 3 kesî tepişnayî.

 

Bi wesîleya ameyîşê Aşma Remezanî hetê Muslumananê Antîkapîtalîstan ra Meydanê Galatasarayî de Sifreyê Rîerdî ame organîzekerdene. Polîsan destûrê fitarî nêda, hêriş kerd û nûştoxo Îlahîyatnas Îhsan Elîaçik bi derbkerdiş tepiştî.

 

Gama ke Eliaçik ameyêne tepiştene hêrişê polîsan vera xora şi. Rixmê naye polîsan Elîaçik erdî ra kaş kerd û tepiştî. Cinîyanê ke vera derbkerdişê Elîaçikî reaksîyon da zî bi derbkerdişî ameyî tepiştene.