STENBOL - Rêxistina HDP’yî ya Stenbolî seba ke bale binaco serê grevê vêşanîye çalakîya meşaleyine organîze kerde.

 

Rêxistina Partîya Şaran a Demokratîke (HDP) ya Stenbolî seba ke bale bianco serê grevê vêşanîye û rojeyê mergî yê 15 xoverdayoxan ê ke semedê wedartişê tecrîdê serê Rayberê PKKyî Abdullah Ocalanî yenê viraştene, Fatîh de rayraşîyayîşo meşaleyin viraşt. Çalakwanan bi slogananê “Biciwîyo Xoverdayîşê Zîndanan” û ‘‘Tepişteyê sîyasîyî anorê ma yê‘‘ kuçeyanê Fatîhî ra gêrayî. Derûdorî ra hemwelatijan zî bi sloganan paştî daye çalakîye.