STENBOL - Dayîkê ke domanê înan Zîndanê Bakirkoyî de vera tecrîdê serê Abdullah Ocalanî grevê vêşanîye de yê vernîya zîndanî de nobete tepişene, polîsan hêrişê înan kerd 4 kesî destbend kerdî.

 

Dayîkê ke semedê vengê domananê xo yê ke vera tecrîdê serê Rayberê PKKyî Abdullah Oclanî bi aşman o zîndanan de grevê vêşanîye de yê, bidê eşnawitene vernîya zîndanî de nobete tepişenê, raştê hêrişê polîsan ameyî. Nobeta ke parlamenterê HDP’yî Meral Daniş Beştaşe û Gulîstan Koçyîgte zî paştî daye ci, polîsan hêrişê ci kerd û dayîke Hurîye Turgute, endamê OHD’yî avûkat Ahmet Balkaya û Rengîn Ergûle û dayîka ke nameyê ci nêame zanayene bi derbkerdiş destbend kerdî.

 

Vizêr zî heman çalakîye de 15 kesî ameyîbî destbendkerdene û dima ra serbest ameyîbî veradayene.