MÊRDÎN - Ame zanayene ke çalakwanê grevê vêşanîye Sibel Akdenîze û Azîze Yagize yê ke Zîndanê Mêrdinî yê Tîpê E’yî de bî Zîndanê Kayserî rê ameyî surgunkerdene.

 

Sibel Akdenîze ya ke semedê wedartişê tecrîdê serê Rabyerê PKKyî Abdullah Ocalanî 5’ê Çela ra û Azîze Yagize ya ke 1’ê Adare Zîndanê Mêrdinî yê Tîpê E’yî de grevê vêşanîye dayêne domnayene, Zîndanê Kayserî rê ameyî surgunkerdene.

 

Sîbel Akdenîza ke heta nika 11 kîlo vîndî kerdî û halê ci giran o bi rayîrê keyeyê xo cuwa ver wina vatbi: ‘‘Ma wazenê ke Kemal Pîrî yo ke vatêne,‘Ma cuye ra hendê heskenê ke ma seba ci mirenê‘ û Malûmê ke semedê letekerdişê xîyanetî bedenê xo kerdî meşale bibê hemrayê înan. Ma eşkenê sey Semayan xoverdayîş ra xoverdayîşî rê bibê pird. Coka ma vanê ke qala peyêne ma verê rewna ameya vatene. ‘Se beno wa bibo netîce do muhteşem bo‘. No vatişê qeheremanê Sûrî Şehîd Çayagerî yo. Ma do miheqeq ser bikewê.

 

Azîze Yagiza ke 9 serrî yo zîndan de ya vat ke tecrîd tena bêçareyîye aver beno. Çalakîya ma semedê aşitî û azadîye ya.