BAYBURT - Ame zanayîş ke Zindanê Tîpê M yê Bayburtî seba hepsîyê grevê vêşanî de yê sole, şekir û leymune nînê dayene, kontrolê înan ê rutîn nînê kerdene.

 

Çalakîyê grevê vêşanîye bi amancê wedartişê tecrîdê serê Rayberê PKKyî Abdullah Ocalanî zindanê herêm û Tirkîya de ameyî destpêkerdiş, bi beşdarbîyayîşê 7 hezar hepsî dewam kena û 30ê Nîsane ra dima zî 15 hepsî dest bi rojeyê mergî kerdî. Zindanê Tîpê M yê Bayburtî de zî 6 hepsî, 6 Çele de û 1ê Adare de zî 40 hepsî grev de yê, ame zanayîş ke îdarekerê zindanî şekir, leymune û sole nêdanê nêdanê înan, kontrolê înan nînê kerdene.

 

'Silamdayîş qedexe yo'

 

Zindano ke demê peyîn de her wext bi îhlalkerdişê heqan yeno rojeve, hepsîyê ke kewtîbî grev kerdibî hucreyan û cezaya pêvînayîşî amebî dayîş. Goreyê zanayîşî keyeyê ke şîbî pêvînayîş, seba hepsîyê ke 1ê Adare de grev de yê ne sole, leymune û şekir nînê dayîş û 6 hepsî 100 rojî ra zêde yo grev de yê zî kontrolê înan ê rutîn nînê kerdiş. Keyeyan wina va: "Pêvînayîşê akerde de dorê her masa de bi desan gardiyanî estê. Masayêka ra masaya bîn ra qiseykerdiş qedexe yo. Ma nêeşkenê silam bidê hepsîyê bînan. Wexto ke ma silam danê zî vanê 'qedexe yo biewnê vernîya xo ra.' Kontrolê hepsîyan nîno kerdene.

 

Arîn Mîrkan 23 Nîsane de 'domane' amî hesibnayîş  

 

Domana bi nameyê Arîn Mîrkana 5 serrî ke bi maya xo Vesîle Yuksel dir tepişnayî ya, ame zanayîş ke 23ê Nîsane de gardîyanan waşto ke aye berê teber û bigeyrênê û dayîka aye Yuksele zî reaksîyon ramojnaya û vata “Şima sey tepinaye nêzdî benê. Şima do nika zî berê teber bigeyrênê?"