STENBOL - Polîsan bi gazê îsotî û TOMA’yan Kuçukçekmece de hêriş bi hemwelatijanê ke taxe de îstîsmarkerdişê domanan prosto kenê kerd.

 

Stenbol Kuçukcekmece de, taxa Kanarya de hîna kesê ke herişo cinsî bi domana 5 serrîye kerdo nêame girewtene, serebutêkê sey ney taxa Ataturkî ya Îkîtellî de zî qewimîya û naye ser o şar vejîya kuçeyan û serebut şermezar kerd.

 

Seba ke hêrişkar yan zî hêrişkarî bêrê girewtene û muhakeme kerdene, mîyanê roje de di taxan de zî çalakî ameyî viraştene, şan de zî taxa Kanarya de şar vejîya kuçeyan. Çalakîya şarê ya bi slogananê ''heq, huqûq, edalet'', ''Kanarya heşar bê domamanê xo ra wayîr bivejîye”, “Bêveng nêmanê biqîre, îstîsmarkerdişî rê ney!” heta ereyê şewe dewam kerde.

 

Wextêk ra ra tepîya polîsan bi gazê îsotî û TOMA'yan hêriş bi şarî kerd.