AMED - Endama Meclîsê Cinîyê Ciwanan ê HDPyî Hulya Demîre dîyar kerde ke tecrîd şexsê Rayberê PKKyî Abdullah Ocalanî de serê heme şaran de yeno meşnayîş û wina va: "Tirkîya destûrê bingehîn ê xo çin hesibnena. Ma dewlete tu wext sey hêzê çareserîyê probleman nêdî. Yê ke tecrîd bi peynî bikerê şar o, ma yê. Ma eşkenê serkewte bibê."

 

Çalakîya grevê vêşanîye ya hemsereka KCD û parlamentera HDPyî ya Colemêrgî Leyla Guvene ke bi amancê tecrîdê serê Rayberê PKKyî Abdullah Ocalanî bêro wedartiş dest pêkerd, roja 169in de dewam keno. Endama Meclîsê Ciwanan ê HDPyî Hulya Demîre, tesîrê tecrîdî yê serê ciwanan û bêvengîye vera grevan şîrove kerde.

 

'Zindanan de nufus zêde beno'

 

Hulyaye dîyar kerde ke pêro komel bi tecrîd tesîr benê û no zî bîyo problemê welat û wina va: "Belê ewro tecrîd serê Rayberê Şarê Kurd Birêz Ocalan yeno kerdene, la ma vînenê ke bi şexsê Birêz Ocalanî de bi pêroyî serê heme şaran de yeno kerdene. Kurdistan de no sîyaset sey qirkerdiş û asîmîlasyonî vejîyeno vernîya ma. Vera kultur, xoza û tarîxê ma hêriş yeno kerdene. Tecrîd tesîr serê polîtîkayê cinîyan zî keno. Cinîyan mahkumî keyeyî kenê, şar bi krîzê ekonomî terbîye kenê. Hûmara kesê tepişnayeye zêde bena."

 

'Pêro kesî yenê tecrîdkerdene'

 

Hulyaye hêrişê vera dayîkan ê Gebze û Qoserî arde vîr û va: "Nê tena tecrîd ramojnenê. Polîsê îqtîdarî vera dayîkê Kurd şîdet kenê. Wedartişê tecrîdî yena manaya aştî û demokrasî. Heme kesê ke nê wazenê yenê tecrîdkerdiş. Bi xoverdayîşêke pîl eşkenê tecrîd bişiknê. Gerek ma wina biewnê çalakîya Leyla Guvene ra. Leyla Guvene û heme hepsî seba azadîya komelî kewtê grev. Gerek seba welatêke demokratîk berê Îmralî abibê. Tirkîya bi caardişê tecrîdî dir Destûrê xo yê Bingehîn zî çin hesab kenê. Hêzo ke tecîd bi peynî bikero ma yê, ma eşkenê serkewte bibê."