Rûken Goman

 

HESEKÊ - Domanê DAIŞijan ke Kampa Holê de manenê û çarşefê sîya înan rê ameyê ferzkerdene vanê: Ma nêzanê çira ma nê cilan danê xo ra. Tena ma ra vanê 'rîyê cinîyan şerm o.' Rîyê ma zaf weşik o la ma tersenê ke nê cilanê sîya xo ra vejê."

 

Cuye de yena zanayene ke domanî xemlê dinya yê. La wexto ke na xemle bi metodê cîya yena vindîkerdene, domanî rastîya xo ra dûr kewenê. Kampa Holê yê Kantonê Hesekî ke keyeyê çeteyê DAIŞî manenê, domanê înan rê cilê sîya yenê ferzkerdene. Wexto ke merdim mîyanê kampe de geyreno, çîyo tewr balkêş tena rengo sîya serê domanan de tena çimê înan yenê vînayene. Sîyayî ke dinya pêro ci ra tersayne, hetê YPG,YPJ,QSDî ra vindî kerdî. La hîna zî sîya tesîrêke negatîf serê hişê xeylê kesan de keno. Bi taybet domanê çeteyan yê ke rîyê înan bi çarşefê sîya ameyê nimtiş nê ra tesîr benê. No zîhnîyet nêverdeno ke domanîye xo biciwîyê.

 

'Rîyê xo bigî şerm o, no gunayêke pîl o'

 

Domana bi nameyê Daliya Farise ke Mûsilê Iraqî ra ya 4 serreyî xo ra mîyanê DAIŞî de ciwîyena û nika zî emrê Daliyaye 8 serre yo. Rîyê Daliya bi çarşefe sîya yena nimtiş. Bêgûman Daliya zî sey xeylê domanê bîn yê ke kampa holê de manenê û rîyê xo bi cilê sîyan nimnenê, wazena domanîya xo azad biciwîyo, la fikrê sîya domanîya Daliya koletî rê musnayî. Daliyaye wina vana: "Mi ra vanê 'rîyê xo bigî şerm o, no gunayêke pîl o."

 

'Rîyê mi weşik o ez tersena ke nê cilan xo ra bikerî'

 

Dewamê qiseykerdişî de Daliyaye qalê weşikbîyayîşî rîyê xo kena û vana: "Rîyê mi zaf weşik o, ez tersena nê cilan xo ra vejî."