ŞIRNEX - Cinîyê ke bazara sebzeyan ê Cizîrî de berardişê keda destê xo roşenê, nê rojan nebatê bi şifa tezgahê înan rengîn kerdo. Esnafan da zanayîş ke rojê nêbaş yê wextê peyîn ciwîyenê û va: "Wisar ame, nika wextê pincarê tebîî yo. Ma nê mewsîmî de qezenc kerd, ma do bikerê yan zî do karê ma bimano."

 

Qezaya Cizîrî yê Şirnexî cinîyê ke nebatê şifayî kom kerdê û berardişê bîn yê bi keda destê xo viraştê halê sebzeyan ê Dortyolî roşenê û pê debara xo kenê. Bi ameyîşê wisarî dir kînger û nebatê bîn serê tezgahan de cayê xo girewtî. esnaf zî dayî zanayîş ke seba krîzî rojê zehmet cuyenê.

 

'Krîz esnafan qij visto'

 

Cinîya bi nameyê Makbule Bulute ke bazar de tezgah akerda, da zanayîş ke bi serran o kedêke pîl day aû rojê peyîn de zehmetîyan ancenê û wina va: "Ma seba pîzeyê xo mird bikerê het aşan de xebityenê. Verê karê ma zî dîyar bi û qezencê ma zî. La demê peyîn de krîz da ma ro. Ma serê siba rew yenê xebityenê. Her çî vayo. Kes êdî nêeşkeno îdare bikero. Çîyê ke ma qezenc kenê zî qîm nêkeno. Krîz da esnafê qij ro."

 

'Ma dewan de kom kenê serê tezgehan de roşenê'

 

Makbuleye da zanayîş ke bi ameyîşê wisarî dir nebatê bi şifa yê koyan yenê komkerdiş serê tezgehan de cayê xo girewtî û va: "Ma dewan ra kom kenê û anê tîya roşenê. Xeylê cinî sey mi tîya yê. Ma tîy açi destê ma de bibo ma roşenê. Kes kesî ra nêvano çîyêk. Ma zî pereyê xo qezenc kenê. Heme çî ma tebîî yo."

 

Cinîya bi nameyê Zeynep Dîkene zî wina va: "Wisar ame. Koyê tîya zaf bi bereket ê. Wextê pincarî yo. Ma înan kom kenê û bi wesayîtan anê bajar. Ma pere danê wesayîtan zî. Bi serran o ma nê karî kenê. Yê ke ma vînenê zî kêfweş benê. Ganî pêro cinî pereyê xo qezenc bikerê. Ganî nê mewsîmî de m aççi qezenc bikerê o yo. Yan zî do bimano payîz."