MERKEZÊ XEBERAN - Srî Lanka de hemverê 3 otel û 3 dêran de hêrişê bombayîyî ameyî viraştene û netîceyê hêrişan de bi seyan kesî cuya xo vîndî kerdî û bi seyan zî birîndar bîyî. Badê nê hêrişan reyna 2 hêrişê newe virazîyayî û welat de qedexeyê tebervejîyayîşî ame îlankerdene

 

Goreyê polîsan 3 teqayîşî otelêka lukse de û 1 zî dêr de paytext Colombo de virazîyayî. Hêrişê ke hûmara înan şeş bîye diyê înan hemverê 2 dêranê ke nizdê Colombo de bî virazîyayî. Hêrişî gama ke ayînê Paskalya ameyêne viraştene virazîyayî. Badê nê hêrişan reyna 2 hêrişê newe virazîyayî û welat de qedexeyê tebervejîyayîşî ame îlankerdene

 

Goreyê selahîyetdaranê Srî Lankayijan hêrişan de tewr bi seyan kesî cuya xo vîndî kerdî. Yeno vatene ke bi seyan zî birîndarî estê. Hewna çewî mesuldarîya hêrişan nêgirewte xo ser.

 

Welat de Katolîkî hetê tayê dormeyan ra sey hêzêkê yewkerdox yenê diyene. Çunke hem şarê Tamîlî û hem zî yê Sînhalayan de kesê ke wayîrê na bawerîye yê estê. Tayê Katolîkî seba ke hetê dewlete ra qirkerdişê Tamîlîyan rê îtîrazê xo ardî ziwan înan ser o zextî virazênê. Artêşa Srî Lanka, şerê hemverê Tamîlîyan serra 2009 de bi qirkerdişê des hezaran kesan qedînabi.