AMED - Walîtîya Amedî seba Recep Hantaşo ke vizêr hetê polîsan ra amebî qetilkerdiş de eşkerayî daye. Eşkerayî de ame vatene ke bi waştişê tewqîfkerdişî 2 polîsan sewqê mehkema kerdî

 

Vizêr ciwano bi nameyê Recep Hantaşî (20) wexto ke tewrê embazê xo Parka Sumerî ya qezaya Yenîşehîrî ya Amedî de roniştinê, hetê polîsan ra ame qetilkerdiş û gule ameyî reşênayîş. Polîsan badê hedîse keyeyê Recebî gêrayî û vatî ‘bi şaşî ameyo kiştiş.’ Walîtîya Amedî derheqê hedîse de eşkerayîyêko nuştekî weşêna û îdîa kerde ke Recebî goş nêdayo îqazê polîsan û cok ra polîsî gule reşênayî ci ser.

 

Eşkerayî de ame vatene ke bi waştişê tewqîfkerdişî 2 polîsan sewqê mehkema kerdî. walîtîye da zanayene ke derheqê hedîse de cigêrayîş dewam keno.