ÎZMÎR - Merdimê hepsîyan dîyar kerdî ke ganî her kes vera grevê vêşanîye bi hewayêke xurt vengê xo berz bikerê û verê ke erey bimanê ganî game bêro eştene.

 

ÎHDyê Îzmîrî, îne vîyarte de nobetê ‘veng bide cuye' kerd. Partîyê sîyasî, rêxistinê komelê sivîl, rêxistinê meslekan û komele beşdar bî. Merdimê hepsîyan Xezal Yaşar û Sultan Yagmekane zî dîyar kerdî ke verê ke erey bimanê ganî her kes biko mîyanê tevger.

 

'Wa domanê ma nêmirê'

 

Ozkan Yaşaro hepisxaneyê Tîpê T yê Hûmara 3 ê Şakranî 1ê Adare de grev de yo. Dayîka ey Xezal Yaşare dîyar kerde ke ganî veng bêro vetene û wina va: "Vera tecrîdî hem Tirkîya û hem zî raya pêroyî yê mîyanneteweyî bêveng ê. Wa tecrîd wirzo domanê ma nêmirê. Ma dejê domanê xo nêcuyê. Ewropa tedayê wezaretê dade bikero de rewşe cîya bo. Seba ke domanê ma nêmirê ma bêveng nêmanê û çi destê ma ra bêro ma do bikerî. Wa domanê ma nêkerê. Ganî cewab bidê waştişê şarê Kurd. Ne rojê ma ne zî şandê ma mendo. Erdogan vano ez serek a, vano ez 'musluman a.' Muslumanî wina yo gelo. Ma nêwazenê ne leşker û ne zî gerîla bimrê."

 

Firat Yagmekane zî zindanê Hûmara F-2 ê Kiriklarî de manano. Dayîka ey Sultan Yagmekane zî da zanayîş ke êdî destûr nîno dayîş ke zêde kes bimiro û va Firat nêweşê hepatît B yo û grevê vêşanîye de yo. Sultane da zanayîş ke ganî tecrîd wirzo, waştişê hepsîyan bi ca bêrê û her kes vengê xo berz bikero.