ENQERE - Sereka Pêroyî ya EMEPî Selma Gurkane derheqê qerarê mazbatayî ê YSKî de va: "Îqtîdaro sîyasî seba vindîkerdişî, bi sebebê cîya netîceyê weçînayîşî nas nêkeno. No operasyonêke weçînayîşî yo, heqê weçînayîşî hetê tifaqê yew kesî ra nêeşkeno bêro xespkerdiş."

 

YSK ke namzedê KHKyî qebûl kerd û dimayê ke weçînayîş ame qezenckerdiş mazbatayê înan nêdano. Nê nêzdîbîyayîşî YSKî rayîr verê reaksîyonan akerd. Sereka Pêroyî ya Kede (EMEP) Selma Gurkane zî reaksîyon ramojna.

 

Selmaye da zanayîş ke YSKyî reyke bîn zî îmzayê xo eşt bêhuqûqî rê.

 

'Heqê weçînayîşî nêeşkeno bêro xespkerdişî'

 

Selmaye da zanayîş ke YSK ke mazbatayan nêdano metodê bêhuqûqî yo û wina va: "Ganî netîceyê weçînayîşî bêrê naskerdene û mazbata bêrê dayene. Prosesê weçînayîşî sere de bêtêduşt ame kerdene û babeta teslîmkerdene mazbatan de dewam keno. No operasyonê weçînayîşî yo. No xespkerdiş bi tu hewa nêeşkeno bêro qebulkerdene."

 

Selmaye arde ziwan ke qerarê YSKî meşrû nîyo û huqûqî nîyo û serê YSKyî de mudaxaleyê îqtîdarê sîyasî babeta vatişî ya, îqtîdaro sîyasî bi pêroyî mudaxaleyê muhakeme keno. Selma nê çî ardî ziwan: "Qerarê YSKyî bi tu hewa nêeşkeno bêrê qebulkerdiş. Eke ma wayîrê qezenceyê xo yê sindoqan vejîyê do fatura şarî rê bêro birnayîş."