Rengîn Azîzoglu

 

STENBOL - Avûkat Ezgî Dumane da zanayîş ke heqê definkerdişî yê huqûqê şerî de zî esto, hetê îqtîdaran ra yeno îhlalkerdene û no zî sey ferasetê Huqûqê Cezaya Dişmin vejîyeno vernîya ma û va: "Bi nêzdîbîyayîşê vera cenazeyan wazenê mesaj bidê komelî. No zî formê hewldayîşê seretewênayîşî komelî yo."

 

Tirkîya de heqê tewr sereyîn ê definkerdişî, şîngirewtişî xeylê rey ameyo îhlalkerdene. Tewr peyîn cenazeyê hepsîyê ke vera tecrîdî peynî cuya xo ardî, ameyî remnayîş û binê abluqayê polîsan de ameyî definkerdiş.

 

Avûkat Ezgî Dumane xespkerdişê heqê definkerdiş û şînî şîrove kerde.

 

'Azadî û heqê merdiman yenê çinkerdiş'

 

Ezgîye dîyar kerde ke seba asayîşê heqê merdiman û azadî yena wedartiş û wina va: "Dimayê diyîn şerê dinya, qedexeyê îşkence yê pêameyîşan de zî ca girewto ameyo îhlalkerdene. Asayîşê komelî seba beka welat yeno îhlalkerdene. Heqê definkerdişê zî ganî na çarçewa da bêro şîrovekerdiş. Heqê definkerdişî heqêke tewr tarîxî yê kan û qedîm o. Heqê definkerdişî heqêke qedîm o.”

 

'Îhlalkerdişê heqê definkerdişî, Huqûqê Ceza ya Dişminî yo'

 

Ezgîye arde ziwan ke pêameyîşê huqûqê şerî ê Cenevreyî de zî heqê definkerdişî yeno nasneyene û wina va: "Pêameyîşê Cenevreyî de zî yeno vatene ke kesê teberê şer de mendê îşkence, caardişê nêbaş ganî nêro kerdene. Huqûqê şer de zî yeno vatene ke îhlalkerdişê heqî sey ferasetê Huqûqî Ceza ya Dişminî yeno naskerdene. Tirkîya de îhlalkerdişê nê heqî û îhlalkerdişê heqî yê serê keyeyan bi ti hewa nêeşkeno bêro qebulkerdene."

 

Ezgîye da zanayîş ke îhlalkerdişê heqê definkerdişî tena kesê ke cuya xo vindî kerdo ney, serê merdimanê înan de zî yeno kerdene û wina va: "Bi nêzdîbîyayîşê vera cenazeyan wazenê mesaj bidê komelî. No formê hewldayîşê seretewênayîşê komelî yo. Heqê definkerdişî nêeşkeno tena polîtîk bêro şîrovekerdiş, rewşêke cuya şexsî ê kesan eleqedar keno yo. Serê nê de qiseykerdiş girîng o."