ÎZMÎR - Hepsîya bi nameyê Rabîa Biyikliya ke Zîndanê Cinîyan yê Kayserî tewqîfkerdeya bi mektubêk da eşnawitene ke gama ke a Zîndanê Cinîyan yê Xarpêtî de mendêne destê ci kelemçekerde domana xo Mavî (Kewe) welidnaye. Rabîaye bi mektubêk îşkenceyo ke domana xo reyde anta daye eşnawitene

 

Hepsîya bi nameyê Rabîa Biyikliya ke Zîndanê Cinîyan yê Kayserî tewqîfkerdeya bi mektubêk da eşnawitene ke gama ke a Zîndanê Cinîyan yê Xarpêtî de mendêne destê ci kelemçekerde û bi biryeyanê viraşteyan domana xo arda dinya û îşkeceyo ke anta daye eşnawitene.

 

Rabîaya ke gama ke nêweşa qijan bîya Bûrsa de ameya tepiştene û rixmê 5 mengan diganbîyayîşî 10 rojî binê nazeretî de menda. Rabîaye mektuba xo de va: “Wextê  nezaretî de tay mendibi ke ez derguşa xo vînî bikerî. Gonîbîyayîşê mi estbi la rixmê naye înan ez ê şertan de tepişta û îşkence kerda. Bado zî ez bi ê halê xo ya ameya berdene bi Dêrsim, ûca de zî 5 rojî binê nezaretî de menda û dima zî Zîndanê Xarpêtî de ameya cakerdene. Nika ez wazena ke îşkenceyo ke mi keynaya xo ya pîya anto bidî zanayene. Wa her kes bizano ke zîndanan de senî dejî yenê antene û heme heqê esasî yê merdimî yenê xespkerdene.

 

Rîyê kelemçeyan ra wextê diganîya xo de mi kontrelê xo binîzamî nêkerdî. Wextê dinyaardişê derguşa xo de ez 2 rojî nêweşxane de menda. Nê di rojan de bi kelemçe cilan rê ameya giredayene. Înan di rojî bireyê viraşteyî dayî mi. Derguşa mi nê şertan de çimê xo dinya rê akerdî. Asmêno kewe yo ke sey azadîye yo nê têlanê zîndanî a pawitêne. Hema ke derguşa mi 38 rojî bî ma Zîndanê Xarpêtî ra surgunê Zîndanê Kayserî bîyê. No semedê ma zehmetîya verêne nêbî la ez eşkena vajî ke zehmetîya ma ya tewr girane bî.  Çîyê ke ma antê, wa dayîk û derguşê bînî meancê. Coka mi nê şima de pare kerdî.”