Berîtan Canozer

 

QERS - Hemşaredarê Qersî yê HDPyî Şevîn Alaca ke se ra 29,58 rayan girewte û dimayê mazbata qezenc kerde dest bi wezîfe kerde wina va: "Umîdê şarê Qersî HDP yo. Ma weçînayîş bi şarî dir rayîr berd, ma pîya qezenc kerd, ma do pîya zî îdare bikerî."

 

Yew bajarê ke weçînayîşan de tewr zêde ame qiseykerdiş Qers bi. HDPyî Qersî se ra 29,58 rayî girewt.

 

Hemşaredarê HDPyî yê Qersî Şevîn Alaca û Ayhan Bîlgenî mazbatayê xo girewtî û dest bi wezîfe kerdî. Şevîn Alaca atmosfer û netîceyê weçînayîşî şîrove kerde.

 

'Umîdê şarê Qersî HDP yo' 

 

Şevîne da zanayîş ke Qers de kampanyayêke weçînayîşê yê xurt meşnayê û netîceyê ci de Qers bi dest kerdê û va: "Wexto ke kampanya ame destpêkerdene umîdê ma zêde çinbi. Qers de xizmetê ke ganî biameyne kerdêne zî nêameyîbî kerdene û coka zî bendemayîşê vera şaredarî çin bibi. Ma prosesê weçînayîşî de şî verê şarê xo û ma projeyê xo qalî kerd. Ma newe ra stratejîyê îdarekerdişê xo qalî kerd. Umîd newe ra zergûn bi û Qers de vila bi."

 

'Seba ke vernîye ci bigîrê heme çî kerdî' 

 

Şevîne arde ziwan ke heta nika tu problemê Qersî nêameyê çareserkerdene û Qers de problemê dîyarkerdene estê. Şevîne da zanayîş ke ê temamê weçînayîşan de rastê astengîyan ameyê û îdarekarê HDPyî Qersî nika tepişnayeyê û parekerdişê çapemenîya koemlî sebeb ameyê ramojnayîş û xeylê kes ameyî tepiştiş.

 

Şevîne tewr peyîn wina va: "Seba rayanê ma bifînê heme çî kerdî. MHPyî her rey îtîraz kerd. Vatêne wa rayî newe ra bêrê hûmartiş. Sindoqan de hûmartiş ame kerdene la rayê ma zêde vejîyayî. Îtirazo diyîn zî seba betalkerdene weçînayîşan bi. La heyetê pêruyî red kerd. Ma şarê xo rê sipas kenê. Ma do qers şarê xo dir îdare bikerê."