Melîke Aydin

 

ÎZMÎR - Nesrîn Nase dîyar kerde ke HDPyî pêwa ke bêtifaq bi zî blokê AKP-MHPyî rê dayo vindîkerdene û va: "Komelî bi hêzê xo bawer kerd. La tîya ra tepya karê ma kesî asan nîyo. Ez wina fikrîyena ke do blokê AKP-MHP faturayê vindîkerdene HDPyî rê bibirno. Coka HDP hêzê demokrasî her wext verê xo de bigîro."

 

Parlamentera Wextî 21in û sereka pêruyî ya verê ANAPî Nesrîn Nase derheqê stratejîyê HDPyî weçînayîşan de şîrove kerde û da zanayene ke HDPyî vera rejîmê otorîter, Tirkîya de berê demokrasî akerdo.

 

Nesrîne arde ziwan ke HDPyî bêtifaq kewt weçînayîş û bi blokê AKP-MHPyî rê dayo vindîkerdene, rastê hêrişê teda ê îqtîdarî bêro û va ganî hêzê demokrasî kîşte xo de bigîro.

 

'HDPyî bi stratejîyê berê demokrasî akerd'

 

Nesrîne va: "HDP rewşa averşîyayîşê Tirkîya baş waneno. O girîng o yo ke ganî têkoşînêke demokrasî Tirkîya de bêro dayene û verê yewbînan de vinderê. Seba ke no baş yeno vînayene; dinya de vindîkerdene faşîzm û rejîman zaf girîng o. Tirkîya de qanûnî destê ma de nêmendî. Destê ma de di sazgehî mendê. Yew partîya sîyasî ya bîn zî weçînayîş. Yanî sindoq. HDPyî hîn merkezan de rîskîkêke cidî girewt. Bê tifaq bikero, kewt weçînayîş. No zaf girîng o.”

 

'Komelî bi hêzê xo bawer kerd'

 

Nesrîne da zanayîş ke AKP bê ke kesî goşdar bikero, lebate keno ke xeyalanê xo bi komelî bido qebulkerdene û wina va: "Bi netîceyê weçînayîşan dir zemînêke ke vernîye nê gêno awan bîyo. La hîna vernîye ci nêameyo girewtene. Wina zî koeml rehet kerd. Tirkîya de mesajê sereyîn yê komelî Destûrê Bingehîn ke çin ê. Mesajo tewr girîng mesajê sindoqan o."

 

'Fature do HDPyî rê bêro birnayene'

 

Nesrîne tewr peyîn qiseykerdişê xo de wina va: "Komelî bi hêzê xo bawer kerd. La tîya ra tepya karê ma kesî asan nîyo. Ez wina fikrîyena ke do blokê AKP-MHPyî faturê vindîkerdişî HDPyî rê bibirno. Coka HDP hêzê demokrasî her wext verê xo de bigîro."