WAN - Hemsereka SESî yê Wanî Fatma Arslane dîyar kerde ke Wan de dayeyê merdişê domanan goreyê Tirkîya berz o û va ganî xeylê tedbîr bêrê girewtiş. Fatmaye da zanayîş ke seba vernîya merdişê domanan bêro girewtene, ganî xizmetê weşîye pawitişê baş bi ca bêrê.  

 

Wan de merdişê domanan û pitikan zêde yo. Tirkîya de merdişê domanan û pitikan de Ewropa de rêza yewin de ca gêna û Wan zî mîyanê bajarê Tirkîya de rêza yewin de ca gêno. Mîyanê sebebê merdişan de kêmbîyayîşê doktor û personelê weşîye, zewacê bi merdiman dir, zewacê emrê qij de kêmbîyayîşê emrê qij de kêmbîyayîşê keyeyê weşîye estê.

 

Hemsereka SESî ya Wanî Fatma Arslane da zanayîş ke goreyê dayeyê peynî yê Wanî merdişê domanan hezarî ra 10 o û no zî dayeyêke zaf zêde yo. Fatmaye da zanayîş se ra 40ê merdişê bebekan wextê perînatal de ( hewteyê 20in ê diganî de û dimayê welîdnayîşê mabêne 7 rojan de) beno. Se ra 20 zî seba problemê konjentînal benê.

 

'Xeylê sebebê ci estê'  

 

Fatmaye va zewacê qij de, diganeyê wextê erey de, problemê weşîye de, cixara, xebitnayîşê alkol û xeylê problemê bîn yê verê nê merdişan akeno. Fatmeye wina va: "Aşmê 3in ê diganeyî de cinî rastê radyason bêro xirab o. Wextê welidnayîşê keyeyî de. Dimayê welîdnayîşînê zî rîskê tewr pîl faktorê nêweşxaneyî yo. Nêdayîşê şitê dayîke, wayîrbîyayîşêke qels û enfeksyon, taqîbkerdişê bebeke/î faktorê girîng ê. Hamleyê tewr girîng yê seba kêmkerdene merdişê bebekan, nêcaardişê xizmetê weşîye ya pawitişî yo. Berpirsyariyê girîng yê hekîmê keyeyî zî esto. Verê nê de zewacê rew û zewacê bi merdiman dir yenê kerdene faktorê cidî yê. Eynî wextî de ganî îstîhdamê doktor û xebatkarê weşîye zî bêrê zêdekerdene.”