Safîye Alagaş

 

STENBOL - Hemsereka HDPyî Stenbolî Esengul Demîre dîyar kerde ke dimayê weçînayîşî AKPyî şaredarîyê Enqere û Stenbolî vindî kerd û winî va: "Coka nê prosesî hende derg kenê. Netîceyê weçînayîşî hetê ekonomî de baskê AKPyî şikna. Girewtişê Stenbolî bi cewabê Agirî û Şirnex.

 

HDPyî weçînayîşê herêmî de 61 şaredarîyê ke qeyûm ci ameyê tayînkerdene girewt û bajarê Tirkîya yê Antalya, Mersîn, Edene, Enqere, Stenbol, Îzmîr û Aydin de zî CHPyî qezenc kerd.

 

Hemsereka HDPyî ya Stenbolî Esengul Demîre, netîceyê weçînayîşî yê 31ê Adare şîrove kerde.

 

Esengule da zanayîş ke stratejîyêke înan qelskerdene îqtîdarî bîyo û va: "Ma waşt ma îqtîdar qel bikerî, hêz ra bifînê. Sîyasetê AKPyî yê 17 serrî yo Tirkîya meşneno xetimyayo. AKP pêwa ke bi tena sereyê xo îqtîdar o, welat de dînamîkêke muxalîf ê cidî esto. AKPyî împaratorîyê tersî awan kerd û lebate kerd ke îqtîdar bimano û dîktatorîyê xo saxlem bikero. La weçînayîşê 31ê adare de şar hegemonyayê tersî şikna."

 

'Hemkarîyêke AKP-MHPyî netîceyan qebul nêkeno esto'

 

Esengule dewam de wina va: "AKPyî seba nê îtîrazê netîceyê weçînayîşî kerd. Bi taybet vatêne netîceyê krîzê ekonomî do sindoqan de vejîyo, la hende giran nêpawitêne. Nêfikrîyayne ke do bajaranê pîlan vindî bikerê. Coka zî bi hewteyêke yo proses derg kenê, îtîraz kenê. Benê sebebê newe ra weçînayîşê rayan. Hemkarîyêke AKP-MHPyî netîceyan qebul nêkerê esto. AKP seba fek kursîyan vera nêdo hamleyê taktîkî meşneno."

 

'Girewtişê Stenbolî bi cewabê Agirî û Şirnex’

 

Esengule tewr peyîn qiseykerdişê xo de bale ante serê hemleyê taktîkî yê HDPyî meşna û va: "HDPyî bajaranê rojawanî de piştdayîş da muxalefet. Dimayê weçînayîşî taktîkê HDPyî ame famkerdene. HDPyî ramojna ke no taktîk zaf girîng o. Coka ma zî seba berjewendîyê Tirkîya şî nê qerarî. Girewtişê Stenbolî bî cewabê Agirî û Şirnex.”