ŞIRNEX - Mahsun Pamayo ke Zîndanê Padaye yê Tîpa Tyî yê Xarpêtî de vera tecrîdî çalakî kerd û peynî da cuye xo. Cenazeya Mahsûmî ewro saetanê serê sibayî de binê ablûqaya polîsan de qezaya Cizîrî ya Şirnexî de ameye definkerdene

Mahsûm Pamayo 22 serrî qezaya Cizîrî ya Şirnexî de ameyo dinya. Hepsîyo Mahsûm Pamayo 22 serrî seba şermizarkerdişê tecrîdê serê Rayberê PKKyî Abdullah Ocalanî Zîndanê Padaye yê Tîpa Tyî yê Xarpêtî de çalakî kerd û cuya xo peynî kerd. Heyeto ke bi keye û parlemeteran ra pê ameyêne seba teslîmgirewtişê cenazeya Mahsûmî verê xo dabî Xarpêtî. Heyet cenaze seat 01.00î de teslîm girewt û verê xo da Cizîrî û saetanê serê sibayî de resa Cizîrî.

Cenaze Nêweşxaneyê Dewlete yê Cizîrî de ame vindetene. Hemwelatij, rayîrber, parlamenterê Partîya Demokratîke ya Şaran (HDP) û temsîlkarê Partîya Herêmê Demokratîkî (DBP) verê nêweşxane de vindetî, la polîsan vîşêrê parlementeran destûr nêdayî sewbîna kesêk ke ewja de bimanî.

Şutişî ra dima keyeyê Mahsumî cenaze berde Goristanê Esrî yê Cizîre. Dormeyê goristanî hetê polîsanê têgêrayîşê taybetî ra ame girewtene û goristan bi wesayîtanê zirxinan girewt binê abluka. Polîsan keyeyê Mahsumî ra dot nêverda ke kes beşdarê wedaritişê cenazeye bibo.