STENBOL - Endama Meclîsê Cinîyanê Stenbolî yê KESKî Done Gevhere dîyar kerde ke tecrîdê Îmralî tesîr serê heme ameyoxê domanan û komelî kerdo û wina va: "Ez ameyox ra bi endîşeyîn a. Coka nêzdîbîyayîşê ma vera grevî zelal bibo."

 

Çalakîya grevê vêşanîye ya bi rayberîya hemserekê Kongereya Komalê Demokratîke (KCD) û parlamentera Partîya Demokratîke ya Şaran (HDP) Leyla Guvene zindan de bi amancê şiknayîşê tecrîdî ame destpêkerdiş dewam keno. Nêzdîyê 7 hezar hepsî çalakîya xo dewam kenê.

 

'Ganî game bêro eştene'

 

Done reaksîyon vera bêvengîya îqtîdar û muxalefetê vera grevê vêşanîye rexne kerde û arde ziwan ke seba nêzdîbîyayîşê yewpawitişê îqtîdarê sîyasî her ca kewto binê tecrîd û wina va: "Tecrîd tena Îmralî de nîno kerdiş. Caardişêke tecrîdî serê komelî de vila bîyo esto. Kes vengê xo nêvejêno. Ganî bêro vatiş. Tena verdişê merdimêke metodêke îşkence yê cidî yo. Nika sey metodêke îşkence sîstemê tecrîdî yê Îmralî esto. Ganî muxalefet vera nê vengê xo berz bikero.

 

'Ez seba ameyoxî endîşeyîn a' 

 

Done dewam de dîyar kerde ke ê sey KESKî zî bi îhlalkerdişan dir rî bi rî yê û wina va: "Cayê kar de problemê bawerî esto Merdimî têkilîyan de bi hewayêke cidî probleman ciwîyenê. Embazî vera yewbînan bi guman ê. Coka heta sîstem nêvuryo, hizurê komelî zî mumkin nîyo. Seba nê semedê ameyoxî endîşeyîn a. Ganî ma vera tecrîdî vinderê." Done bale ante serê grevê vêşanîye zî û va ganî dewlete berpisîyarîyê xo bi ca bîyaro û waştişê hepsîyan bi ca bîyaro.