Melîke Aydin

 

MANÎSA - Zuhal Guneşa ke sey namzeda Meclîsê Cinîyan ê Manîsayê keyatî qezenc kerde, seba taxa Hafza Sultan kewte mîyanê tevgerî. Zuhale xo amade kena ke bi cinîyan dir taxêke eşkenê ci de biciwîyê, merkezê cinîyan heta koperatîfan xeylê projeyan do bikerê cuye û heto bîn ra da zanayîş ke hedefêke înan bîn zî ‘însîyatîfê keyayan o.'

 

Meclîsê Cinîyan ê Manîsayî 10 namzedê cinî yê keyatî ramojna û 10 cinîyan namzedê taxa Lalelî û Hafza Sultan de ameyî weçînayîş. Zuhal Guneşe zî ke keyaya newe û taxa Hafza Sultan a, seba taxêke bibo nimûne û cinî û azak ci de azad biciwîyê, kewte mîyanê tevger.

 

'Şîyayeyê weçînayîşê fonê hempar ame girewtiş'

 

Zuhale da zanayîş ke serrêke verê dest bi xebatê weçînayîşê kerdê û wina va: "Ma netîceyê têkoşînêke rêxistinkerde biser kewt. Amancê ma o yo ke ma tewr zêde cinî û domanan bikerê wayîrê hişmendî. Ma keyatî bi welatîyê taxe dir qezenc kerd. Ma şîyayîşê weçînayîşê bi fonê ke kermes û konseran kerd.

 

Zuhale da zanayîş ke ê do sey cinî keyayê camêrdan rê bibê nimûne û do ziwanê komelî bivurnê, do cinîyê taxe bi rehetî muracatê ma bikerî. Zuhale dewam de arde ziwan ke keyatî warêke dest bido merdiman o û va bi koperatîfan, bi projeyê sey awankerdişê meclîsê taxe dir gamêke girîng bêro eştene.

 

Zuhale wina va: "Seba bazarê Taxa Hafza Sultanî ma do bi şaredarî dir bikewê têkilî. Seba keyeyê ke kewtê çarçeweya vurnayîşê bajarî, ma do welatîyê taxe bikerê wayîrê zanayîşî. Bi cinîyê bîn ê ke ameyê weçînayîş dir ma wazenê însiyatîfê keyeyan awan bikerê."