AGIRÎ - Ame îdiakerdene ke Mudirê Dîyine yê Hepisxaneyê Girewteyî yê Tîpê L’yî yê Patnosî,  çalakgeranê grevê vêşanîye rê, bi merg gefî wendî.

 

Hepisxaneyê Girewteyî yê Tîpê L’yî yê Patnosî de girewteyî, seba ke tecrîdê serê Rayberê PKKyî Abdullah Ocalanî bêro wedaritene grevê vêşanîye de yê û girewteyan rê tedayî yenê kerdene û ame îdiakerdene ke girewteyan rê bi merg gefî yenê wendene.

 

Goreyê mesajêke girewteyî mesaj şawitî teber ame vatene ke, taqwîyeyo awî nêdîno girewteyan û tena vîtamînê B1’î dîyeno ci. Goreyê beyanatan rewşa 2 girewteyan ê xoverdayoxan girana.