ÎDIR - HDP, îtîrazan ra dima Îdir de reyna weçînayîş ra serkewte vejîya û Walîtîya Îdirî bajar de 15 rojî çalaki û aktîvîteyî kerdî qedexe.

 

HDP’yî Îdir de se ra 50.10 rayî girewtî û weçînayîş ra serkewte vejîya, la îtîfaqê AKP-MHP’yî îtîraz kerd û 70 sindoqan de rayî newe ra ameyî humaritene. Îtîrazî ra dima rayê HDP’yî hîna bîyî zêde.

 

Humartişê rayan ra dima HDP’yîjan bi konvoy kewtî Rayîrê Walîtîye û tîya de rastê hêrişê MHP’yîjan ameyî.

 

Polîsan mudaxaleyê grûba faşiste kerd la Walîyê Îdirî no heriş sebeb musna û bajar de qedexe îlan kerd. Goreyê îlanî bajar de 15 rojî do çalakîyî û aktîvîteyî bêrê qedexekenrdene.

 

HDP seba ke serkewtişê weçînayîşî pîroz bikero seba meşteyî program viraştbi û no program zî ame betalkerdene.