ÎDIR - Îdir de ke HDP’yî ûca qezenc kerdibi, semedê îtîrazê tîfaqê AKP-MHP’yî rayê 70 sindoqan newe ra yene hûmaritene.

 

Îdir de weçînitişanê cayîyan de ke HDP’yî se ra 50,10’ê rayan girewtibi, dimayo ke tîfaqê AKP-MHP’yî netîceyanê 70 sindoqan rê îtîraz kerd. Îtîraz hetê Heyetê Weçînitişî yê Bajarî ra ame qebûlkerdene û rayî newe ra yenê hûmaritene. Karê hûmaritişî ke saetanê serê sibayî ra dest pêkerd yeno pawitene ke biroje biqedîyo.