RIHA - Qezayanê Bêrecûk û Xelfetî ye Riha de eştişê keyeyan ser de îdarekarê HDP’yî zî tede 22 kesî ameyî destbendkerdene.

 

Xelfetî de cendermeyan eşt keyeyan ser û 13 kesî destbend kerdî. Cendermeyan kesê ke ameyî destbendkerdene berdî Qereqolê Cendermeyan ê Gokluyî. Nameyê kesanê ke ameyî destbendkerdene wina yê: Bekir Ozturk, Nurettîn Karataş, Samî Bozkurt, Kazim Balaban, Azad Polat, Seydan Bayram, Haci Yalçinkaya, Osman Yalçinkaya, Hasarî Baysoz, Hakki Keskîn, Huseyîn Mavîgok, Kadîr Çolak û Abdullah Uzun.

 

Bêrecuk de tepiştiş

 

Merkez û dewanê Bêrecûkî de, cendermeyan û polîsan operasyono hemwext da destpêkerdene û bi nê operasyonî eşt xeylî keyeyan ser. Hemsereka HDP’yî ya Bêrecûkî Dîlan Taşe, hemserekê HDP’yî yo kan Îbrahîm Yeşîltepe, Halîl Genç, Halîl Sarikaya, Abdulcelîl Arici, Şevket Çetînkaya, Mustafa Karadag, Mîkaîl Kiliç û Bulent Karayilan ameyî destbendkerdene.

 

Wext ame dergkerdene

 

Hetê bînî ra qezaya Riha Sêwrege de, 29’ê Adare de zî operasyon amebi kerdene û no operasyon de Levent Korkmaz, Îlyas Korkmaz, Ayşe Gulere, Tevbun Mîmkara, Mîhrîban Mîmkara, Xebat Mîmkara, Çerko Mîmkara, Cemîl Bezer û Halîl o ke peynameyê ci nêameyo beyankerdene amebî destbendkerdene û seba nê kesan wextê destbendkerdişî 4 rojî ame dergkerdene. Qaso ke xebere ameya girewtene, nê kesî Mudirîya Ewlehîye de rastê muameleye xirabî ameyî.