Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 147ine de dewam kena. Leylaye ke 25ê Çele de serbest ameye veradayene keyeyê xo de çalakîya xo dewam kena. Serdayîşê seba Leylaye dewam kenê û ablûqayê polîsan verê keyeyê aye zî hîna dewam keno.

 

Dimayê Leylaye bi eynî waştişî Mintiqaya Federalê Kurdistanî çalakîya Temsîlkarê HDPyî Nasir Yagizî roja 134an de, Strasbourgî de 14 kes û Gallerî de zî Îmam Şîşî roja 108 de dewam keno. Endama Meclîsê Îştarî Fadîle Toke roja 74ine de ya. Hemsereka DBPyî ya verê Sebahat Tuncel û ya parlamentera HDPyî ya verê Selma Irmake ke zindan de dayê destpêkerdiş roja 78in de yê û bajarê Toronto ê Kanadayî de zî çalakîya Yusuf Îba ke dayo destpêkerdene roja 81 de dewam keno. Heto bîn ra çalakîya hepsîyê ke grevê vêşanîye ê koma yewine roja 109ine de û çalakîya hepsîyan 1ê Adare ra dima heme zindanan de vila bî.   

 

Çalakîya grevî ya parlamenteran

 

Awanîya HDPyî bajarî de çalakîya grevê vêşanîye ya parlamenteran dewam kena. Çalakîya ke parlamentera HDPyî Dêrsim Dag 3ê Adare de da destpêkerdene û Parlamenterê Wanî Tayîp Temel û Murat Sarisaç ke 8ê Adare de dest pêkerdî zî dewam kenê.

 

Kesê ke ameyî tahlîyekerdene keye de çalakîya xo dewam kenê  

 

Sedat Akino ke zindanê Erzîcanî Tîpê T de dest bi grev kerdib dimayê ke ame tahlîyekerdiş çalakîya xo keye de roja 87ine de dewam keno. Gurbet Ektirena ke 15ê çelî de dest bi çalakîya grevî kerde û amî tahlîyekerdene zî 8ê Adare de çalakîya xo keye de Dêrikê Mêrdînî de dewam kena û roja 78ine grevê vêşanîye de ya. Hepsîya bi nameyê Yonca ke 1ê Adare de zindanê Şakranî yê Tîpê T de grevê vêşanî de bî 29'ê Adare de peynî cuya xo arde. Selahîyetdarê nêweşxaneyî vizîr keyeyê Yoncaye bi telefon geyrayî û vatî ke kêna şim acuya xo vindî kerda. Cenazeya Yoncaye sere de berdî Enqere û uca ra berdî Erzirom. Cenzaya aye Erzirom ra hetê keyeyê aye ra ame girewtene û dewa Burunbulakê Tutaxê Agirî de amî definkerdene.

 

Zindanê Osmanîye ê Tîpê T de zî Siraç Yuksek o ke peynî cuya xo ard, cenazeya ey verê nê serê siba Nisêbîn de ame definkerdene.