Husna Muhemed

 

ŞEHBA - Keyeyê Şehîdan ê Efrînî derheqê çalakîya grevê vêşanîye ke bi rayberîya Leyla Guvene dest pêkerd vatî: Ganî rêxistinê mîyanneteweyî peynî bêvengîye xo bîyarê. Ma do seba azadîya Rayber Apo heta peynî xo ver bidê."

 

Parlamentera HDPyî ya Colemêrgî û Hemsereka KCDî Leyla Guvene seba tecrîdê serê Rayberê PKKyî Abdullah Ocalan bi peynî bibo dest bi grevê vêşanîye ya bêdem û bêagernayîşî kerdebî. Piştdayîşê çalakîyê grevê vêşanîye dewam kenê. Derheqê babete de Keyeyê Şehîdan ê Efrînî qisey kerdî. Keyeyan vatî: Seba ameyoxêke azad û bi asayîş ganî tecrîd bi peynî bibo."

 

'Çalakîya bi rayberîya Leyla Guvene amî despêkerdene bi erj a' 

 

Kêna Têkoşer Berxwedan, Emîne Bekire dîyar kerde ke çalakîya grevê vêşanîye bi erj a û hêzê înan seba têkoşînî tewr zêde keno û wina va: "Rayberîya cinîya kurd Leyla Guvene de seba tecrîdê giran ê Rayber Apo ser bêro şiknayîş hepsîyê azadî dest bi çalakîya grevê vêşanîye kerdî. Çalakîya azadî û rûmet temamê dinya vila bîya. Hîn çalakgerî zindanan de çalakîya fedayî kerdî û resayî sewîyeya şehadetî. Ma do zî sey Keyeyê Şehîdan heta peynî xoverdayîşê xo dewam bikerê, sozê xo bi şehîdan dir newe bikerê. Rayber Apo azad bikerê, û Efrîn azad bikerê."

 

'Çalakîya grevê vêşanîye pîroz a'

 

Heto bîn ra cinîya Têkoşer Hekîm Efrîn Rûken Reşîde zî bêvengîya dewletê mîyanneteweyî şermezar kerde û va: "Ma çalakîyê grevê vêşanîye pîroz û bierj vînenê. No têkoşîn vera faşîzmî yo. Cenazeyê çalakgerê ke grevê vêşanîye de yê resenê sewîyeya şehadetî hetê dewleta tirkan ra nînê verdayene ke teslîmî keyeyan bêrê kerdene. Seba ke no zulm bi peynî bibo ganî heme kurdî veng bidê çalakgeran, bibê yew û vera faşîzmî têkoşîn bikerê."

 

'Ganî tecrîd bi peynî bibo'

 

Cinîya xoverdayox Xelîl Fatimê Şêxo zî piştdayîşê xo çalakgerê grevê vêşanîye rê ramojna û çalakîya înan silam kerde û wina va: "Dewleta tirkan wazena çalakgeran bê îrade verdo û şarê Kurdî çin bikero. La aye do qetî nêreso amancê xo. Ganî rêxistinê mîyanneteweyî peynî bêvengîya xo bîyarê. Ma do seba azadîya Rayber Apo heta peynî xo ver bidê. Seba ameyoxêke azad û bi asayîş ganî tecrîd peynî bibo."