MÛŞ - Endamê Hemserekîya HDP’yî yê Şaredarîya Mûşî Sirri Sakikî va 2 hezar û 500 rayê HDP’yî ameyê betalkerdene û ê do îtîraz bikerê.

 

Goreyê beyanatanê Dewleta Tirkî, Mûş de namzedê AKP’yî bi ferqa 538 rayan weçînayîş girewto. La namzedê HDP’yî kerd eşkera ke 2500 rayê HDP’yî ameyî betalkerdene.

 

Sirrî vizêrî hesabê xo yê Twîtterî ser o beyanatêko winasî da: ”Ma 100 sindoqan de bêusulîyî tespit kerdî û 2500 rayê ma ameyî betalkerdene. Îtîbarê beyanatanê AA’yî nêkerê. Ma do şewdir îtîraz bikê.”