ENQERE - Weçînayîşî rê wextêke tay mend û xebatê perwerdeyî yê asayîşê sindoqan dewam keno. Yew bajarê ke perwerde ci de dewam keno Enqere yo. Namzeda endema Meclîsê Şaredarîya Çankayî ya HDPî Turkan Demîre va seba meclîsê şaredarîye de bibê wayîrê vatiş, bi xo bawer ê û veng da heme şaran ke wayîrê sindoqan vejîyê.

 

Fîlîz Kerestecîoglu qezaya Çankaya ya Enqereyî HDPyî bî namzeda hemşaredarî û endamê meclîsî de zî tewr zêde cinî estê. Yew înan ra zî Turkan Demîr a. Turkane derheqê asayîşê weînayîşan de şîrove kerde.

Turkane arde ziwan ke Çankaya de wayîrê dayeyê zêde yê û va ê wazenê bajarê rojawanê Tirkîya de bibê wayîrê vatiş û va: "Ma Çankayayî de verê zî parlamenter vet. Çankaya qezayêke qij o. Ameyoxê Enqereyî dîyar keno. Ma xebatê asayîşê weçînayîşan zî zêde kerd. 168 wendegeh û 670 sindoqî wezîfedar estê. Me derheqê nê de xebatêke pîl meşna."

 

'Bostanê bajarî ra ver bi demokrasîyê bajar'

 

Turkane da zanayîş ke Çankaya de eynî wextî de qezaya tewr pîl a Tirkîya ya û wareyê ramitişî zî ci de zêde yê û Turkane wina va: "Sera 30 wareyê ramitişî û zergunayî yo. Ma eşkenê vernîya îmarî bigîrê û demokrasîya bajarî awan bikerê. Ma bi şîarê ‘bostanê bajarî ra ver bi demokrasîya bajar' xebate meşnayî. Amancê ma o yo ke ma muxalefetê bajarî rêxistin bikerê.”

 

'Seba vurnayîşê cuye HDP'

 

Turkane tewr peyîn qiseykerdişê xo de arde ziwan ke ê wazenê bajarê herêmê şaredarîyan qayûman ra xelas bikerê û hûmara şaredarîyê bîyaye zêde bikerê û wina qedêna: "Heme kesê demokrasî wazenê ganî vengan bidê HDP. Ma wazenê bajarê rojawanê Tirkîya de zî endamê meclîsî bibê, ma wazenê ma zî vatişê xo vajê. Ma wazenê xebatê rêxistinbîyayîşê xo bikerê. HDP wayîrê hêzê sereyîn o ke qedere Tirkîya vurneno. Perspektîfo raşt ê weçînayîşî perspektîfê HDPî yo. Ez veng dana heme welatîyan ke wayîrê sindoqan vejîyê."