AMED -  5. Mehkemeya Cezaya Girane ya Amedî semedê Leyla Guvena ke 140 rojî yo grevê vêşanîye de ya, qerar girewt ke a do bi zorî bêra ardene bi mehkeme

 

Çalakîya grevê vêşanîye ya bêdem û anêgêrayîşî ya Hemsereka Kongreya Komela Demokratîke (KCD) û Parlementera Partîya Demokratîke ya Şaran (HDP) ya Colemêrgî Leyla Guvena ke seba wedarnayîşê tecrîdê serê rayberê PKKyî Abdullah Ocalanî dabî destpêkerdiş roja 140. de dewam kena.

 

Hemsereka KCDyî û parlamentera Colemêrgî Leyla Guvena ke hetê 6. Mehkemeya Cezaya Girane ya Riha ra  derheqê ci de dewa ke ameya akerdene de îfade nêda, derheqê ci de qerarê bi zorî ardişî ame dayene.

 

Dewaya ke Leyla a pîya waye Ocalanî Fatma û birayê ci Mehmet Ocalanî zî yenê muhakemekerdene, avûkatê Leylaye Serdar Çelebî tewrê ci bi. Serdarî va: “Muwkîla mi 140 rojî yo grevê vêşanîye de ya, rewşa  ci krîtîk a. Eke bi zorî bêro ardene, cuya aye yeno rîskeştene. Cok ra îmkanê ameyîşê muwekîla mi çîn ê. No semed ra wa dewa bêro warardene û qerarê ardişê bi zorî mero girewtene.”

 

 Mehkeme  qerarê ardişê bi zorî da û dewa peyser eşt.