DÊRA ZORÊ - Muxabira ELAN TV Ronak Şêxê derheqê taqîbkerdişê Hemleyê Firtineyê Cizîrî de qisey kerde. Ronake wina va: "Pêwa heme astengîyan zî ma dîmen û fotografê ke raştîyê wehşetê DAIŞî nîşan dayne raya pêroyî rê neql kerd. Ma do wext taqîbkerdişê neqlê raştîyan bê."

 

Rol û mîsyonê neqlkerdişê komelî zaf girîng o. Bi taybet mîyanê şert û mercê xidar de taqîbkerdiş û neqlkerdişê raştîyan zehmet û girîng o. Xeylê rojnamegeran wextê neqlkerdişê rastîyan de cuya xo vindî kerdî. Xeylê zî bi caardişê xidar de rî bi rî ameyê verdayene. Muxabira ELAN TV Ronak Şêxê derheqê taqîbkerdişê Hemleyê Firtineyê Cizîrî ke mîyanê şert û mercê xidar de ame taqîbkerdiş de va: "Hemleyê Firtineyê Cizîrî de rol û mîsyonê neqlkerdişî girîng bi. Wezîfeyê ma o yo ke mîyanê şert û mercan de ma taqîbkerdoxê heqîqetî bê. Xeylê embazê ma wextê neqlkerdişî de bedelê giran dayî. Ma do her mîrasê înan rê wayîr vejîyê."

 

'Dinya mat mende'  

 

Ronake wina va: "Ez nêzdîyê 2 serrî yo ke ez hemleyê ke QSDî vera çeteyê DAIŞî dest pêkerd taqîb kena. DAIŞ heta nika bi seyan qirkerdiş kerd. Bi taybetî vera cinîyê Êzîdîyan. Ewro cinî heyfê xo bi xo gênê û peynî terorî anê. Dinya vera xoverdayîşê şerwenan mat menda. Wexto ke ma xeberan taqîb kerdêne xeylê reyan bi tehlukeyê pîlan dir rî bi rî mendî. Mîyanê şert û mercê xidar de taqîbkerdişê xeberan zaf zehmet o. Wexto ke ma dîmen û fotografê sivîl û keyeyî çeteyan girewtêne û ma waştêne şîroveyê înan bigîrê qebul nêkerdêne û xeylê rey zî ez rastê hêrişanê înan ameya. Tewr zêde cinî û domanî bî qurbanê DAIŞî."

 

'Vengê heqîqetî hedef girewtî'

 

Ronake hedefgirewtişê rojnamegeran ê hetê DAIşî arde vîr û wina va: "Destpêkê hemleyî de Ş.Dilîşan Îbiş û Rizgar Deniz ameyî hedefgirewtene. Reyna xeylê muxabirê ma esîr ameyî girewtene. Rojnemeger ê ke şehîd kewtî hêvîya in li hêviya mizgînîya peynîbîyayîşê DAIŞî bî. Vengê heqîqetî ame hedefgirewtiş, la girîng o yo ke bi fotograf û dîmenê DAIŞî rastî dinya ra ame neqlkerdiş. Pêwa heme astengîyan zî ma dîmen û fotografê ke rastîyê wehşetê DAIŞî nîşan da raya pêroyî rê neql kerd. Hemleyê Firtineyê Cizîrî de rol û mîsyonê neqlkerdişî girîng bi. Wezîfeyê ma o yo ke mîyanê her şert û mercan de ma rêçe heqîqetî de bê. Xeylê embazê ma wextê neqlkerdişî de bedelê giran dayî. Ma do her wext mîrasê înan rê wayîr vejîyê."