MÊRDÎN - Cenazaya Medya Çinara ke Zindanê Tîpa Eyî yê Mêrdinî de semedê şermizarkerdişê tecrîdê Rayberê PKKyî Abdullah Ocalanî ser o çalakî kerde û peynîya cuya xo arde, ameye definkerdene. Eskeran vernîya bi seyan kesan girewt û destûr nêda tewrê merasîmî bibî

 

Hepsîya bi nameyê Medya Çinare Zindanê Tîpa Eyî yê Mêrdinî de semedê şermizarkerdişê tecrîdê Rayberê PKKyî Abdullah Ocalanî ser o çalakî kerde û cenazeya aye binê ablûqaya eskeran de ameye definkerdene. Eskeran vernîya bi seyan kesan girewt û destûr nêda ke kesêk tewrê merasîmê cenaze bibo.

 

Cenazaya Medyaye Morgê Tipê Edlî yê Nêweşxaneyê Mêrdînî ra ameye girewtene û ameye berdene bi dewa Margîkî ya Qoserî. Eskerê ke biwesayîtanê zirxanan cenezaya pîya şîyê dewe destûr nêda  kesê bînî tewrê cenaza bibê. Rixmê naye wekîlî zî tede bi seyan kesan verê xo da dewa Margîkî ya Qoserî. Dekewtişê dewe de eskeran reyna vernîya wekîlan girwet.  Mabênê eskeran û wekîlan pêrodayîş vejîja. Cenaza binê ablûqaya eskeran de ameye definkerdene.