MÊRDÎN - Cenazeya Medya Çinara ke Zindanê Tîpa Eyî yê Mêrdînî de hepsîya cinî ya bi nameyê Medya Çinare seba şermizarkerdişê tecrîdê serê rayberê PKKyî Abdullah Ocalanî çalakî kerdee û cuya xo vindî kerde, nêdîyena keyeyê aye. 

 

Polîsan mudaxaleyê koma ke berê morgî de arê bî kerd Çalakîyê seba ke wedarnayîşê tecrîdê serê Rayberê PKKyî Abdullah Ocalanî dîyayî destpêkerdene nêvindenî. Hepsîya bi nameyê Medya Çinare (24) Zindanê Tîpa Eyî yê Mêrdînî de seba şermizarkerdişê tecrîdê serê rayberê PKKyî Abdullah Ocalanî çalakî kerde û peynîya cuya xo arde. Ame zanayene ke Medyaye zî çalakgeranê grevê vêşanîye re ya.

 

Şarê Mêrdînî herikîya verê Dezgeyê Tibê Edlî (ATK) yê Mêrdînî yê Nêweşxaneyê Dewlete yê Mêrdînî ke cenazey Medyaye berî qezaya Qoserî ya Mêrdînî. Cenazeya Medyaye hema zî nêdîyaya keye û merdimanê aye ke verê morgî de vindenî. Heyeto ke parlementeranê HDPyî Tûma Çelîk, Pero Dundar û Ebrû Gunaye ra pê yeno zî verê morgî de vindeno. Yeno pawitene ke cenazeya Medyaye bêra girewtene û goristanê dewa Margikî ya qezaya Qoserî ya Mêrdînî de bêra definkerdene. 

 

Bi desan wesayîtê zirxî û polîsî verê morgî de vindenî û îdîa kerdî ke do serdozgerî cenazeya Medyaye teslîmê keye bikero. La dima ra polîsan keyeyê Medyaye û heyetê HDPyî verê morgî ra dûrî kerd. Polîsan berê morgî bi mertalanê xo piştî û destûr nêdanî ke kesêk nizdîyê morgî bibo. Polîsan îdîakerdî ke keye nêwaşto kesêk nizdîyê cenaze bibo û vatî ‘heta ke qelebalix vila nêbo ê do cenaze teslîmê keye nêkerî.’ Polîsan hewl dayî ke bi zorî qelebalix vila bikero, la girse bi siloganê ‘Şehîd nêmirenî’ berz kerd. siloganan ra dima polîsan hêrişê girse kerd û bi kutiş 3 kesan tepiştî û mabenê polîs û parlementeran de munaqeşeyê vejîya. Polîsan reyna vatî ‘heta ke qelebalix vila nêbo ê do cenaze teslîmê keye nêkerî.’